|
|
 usika |
Izar distiratsuak
 Laugarren
edizioa beteko du irailaren 1etik 3ra bitartean Gasteizen burutuko
den Azkena Rock Festival jaialdiak, non Deep Purple eta The Pogues
talde beteranoak izango diren bi ekitaldi nagusietako zerrenda buruak.
Beraiekin batera, beste hogei talde arituko dira Mendizabala guneko
eszenatokian, tarteko, irailaren 1ean jaialdiari hasiera emango
dion kontzertuan izango diren The Steepwater Band amerikarrak, The
Soulbreaker Company gasteiztarrak eta Los Del Tonos kantabriarrak.
Made in Japan bezalako disko ospetsuak egin zituen Deep Purple taldea
izango da irailaren 2ko zerrenda buru. Britainia Handian 60. hamarkadan
sortu eta heavy metalaren kontzeptua eragin zuen taldeak, agerian
utziko du sendo dirauela oraindik. Beraiekin batera, azken hogei
urteotako punk rock talderik garrantzitsuenetakoa bilakatu den Social
Distortion, zeinek Sex, Love & Rock and roll diskoa aurkeztuko
duten; country-rock alternatiboa jorratzen duen Wilco; indarra,
kalitatea, sentimendua eta jazzaren egiturak jorratzen dituen Gov’t
Mule; rock amerikar sustraidunaren kantu sakon eta sendoak egiten
dituen Drive-by Truckers; hard-rocka lantzen duen Master of Reality;
blues eta rock doinuetan oinarritzen dire Rosse Hill Drive; ohiko
euskal rock musikatik urrundu eta talde ezagunen bertsioak tartekatzen
dituen Split 77 bilbotarrak, Britainiar uharteetan azken urteetan
sorturiko punk garratzaren adibiderik argiena den Towers of London
eta garage-punk-rock basatia egiten duen The Dwarves izango dira
oholtzan.
Amaiera ikusgarria
Shane MacGowank gidatzen duen The Pogues talde irlandarra izango
bada irailaren 3ko talde nagusia, beste hainbat talderen agerraldi
erakargarriak tartekatuko dira egitarauan. Azken eguneko kontzertuetako
protagonistak, Kalifornian punk rocka egiten hasi edo hardcore melodikoa
asmatu zuen Bad Religion; Lullabies to paralyze azken diskoan erakutsi
duten bezala, rockaren ikuspegi zabala duen Queens of the stone
age; atmosfera psikodelikoak, soinuaren potentzia eta basakeria
erakusten duen Monster Magnet; post punk estiloa jorratzen duen
Television; Australiako rock & rollaren egoera basatiena erakusten
duen The beats of bourbon; rock, disko, new wave, garage, pop, metal
eta punk estiloak nahasteko gai den Electric Six; rock & rolla
eta sustrai beltzeko musika lotzen dituen Hash portugaldarrak; Amerikar
undergroundaren erakusleak diren Brant Bjork & The Bros edota
ohikoa ez den energia erakusten duten Juliette & The Licks igoko
dira eszenatokira.
|
