|
|
 usika |
Ekialdeko
doinuen edertasuna
 Ekialdeko
doinuak izango dira entzungai urrian Euskal Herriko Unibertsitateak
Leioan duen kanpusean eta Maulen izango diren ekitaldietan, Indiatik
gerturatutako Maha Shakti Group eta Uzbekistanetik etorritako Doutarchi
Kiz Lar taldea izango baitira, hurrenez hurren.
Gaurav Mazumdar, Pravin Godkhindi eta Tapan Bhattacharya dira Maha
Shakti Group osatzen duten hiru musikariok eta euren oinarria raga
eta tala dira, itxura melodikoa eta itxura ritmikoa, hurrenez hurren.
Mazumdar haurtzaroan hasi zen ahotsa lantzen baina gazte zela bibolina
ikasketak burutu eta kontzertu ugari eman zituen. 1985ean emandako
saio baten Ravi Shankar sitar maisurekin egin zuen topo eta Mazumdarren
talentuaz jabetu ondoren, bere ikasle bezala hartu zuen. Zortzi
urteko ikasketak egin ondoren estraineko agerraldia eskainitu zuen
arrakasta eskuratuz eta Europa zein Amerikan aurkezpenak egin zituen.
Indiako doinuak entzuteak guztiz gozagarria izan daiteke entzulearentzat,
musika-tresnak erabiltzeaz gain eskuak, atzamarrak edo begiak erabiltzen
baitituzte musikariek.
Uzbekistaneko polifoniak
Uzbekistaneko Doutarchi Kizlar taldea, bost emakumez osatuta dago
eta Asia Erdialdeko herrialde hartako musika gerturatuko dute kantu
polifonikoak eta dutar, doira edo gijak musika-tresnak erabiliz.
Boskoteak Mauleko Andurain jauregian eskainiko duen ekitaldia liluraz
beteriko saioa izango da zeta eta espezien ibilbidean biltzen diren
kultura anitz eta ezberdinak elkartzen baitituzte konposatzen dituzten
abestietan.
BEGIRATU
AGENDA
|
