|
|
 usika |
Ekoizpenean
datza ezberdintasuna
 Bi
opera ikuskizun izango dira ikusgai urtarrilean Bilbon. Bata Opera
Lagunen Bilboko Elkarteak antolatutakoa, 2001-2002 denboraldiaren
barne dago eta Euskalduna Jauregian taularatuko da. Bestea, El Triciclek
haurrentzako bereziki moldatutako El Barbero de Sevilla alegia,
Ayala antzokian ikusgai izango da.
OLBEk aurkeztu duen denboraldiko azken-aurreko ikuskizuna Mozarten
La Nozze di Figaro ezaguna da eta Sevillako Maestranza Antzokiak
ekoiztutakoa da. Corrado Rovaris zuzendariaren aginduetara Ildebrando
D’Arcangelo, Patricia Ciofi, Manuel Lanza edo Miriam Gauci
ariko dira pertsonai aipagarrienei ahotsa jartzen eta beraiekin
batera Bilbao Orkestra Sinfonikoa izango da.
Ikuskizunak Figaro eta Susannak eskontzeko dituzten zailatasunak
azaltzen ditu, Konteak neskaren mesedea eskuratu nahi baitu eta
Figarok, Marcellinari berarekin ezkonduko zela zin egin zion, eskatutako
mailegua itzultzen ez bazion. Figaroren ama Marcellina dela argitzearekin
bat etorriko da istorio korapilotsuaren konponketa.
El Barbero de Sevilla ikuskizuna 400 aldiz izan da antzeztua Estatu
espainiarreko antzokietan eta 320.000 ikusletik gora bildu ditu.
El Tricicle talde katalanak moldatutako ekozipenak aurre egin nahi
dio garesti, luzeegi eta gehienetan italieraz diren opera ikuskizunei,
orkestra hiru musikariengatik ordezkatu baitute, gaztelerara itzuli
du testoa eta narratzaileak argitzen ditu ikuskizunaren nondik norakoak.
Rossiniren doinuetan oinarritutako opera ia Commedia dell’Arte
bilakatu dute El Triciclekoek, ekoizpenari testu azkarra eta dibertigarria
jartzeaz gain, originala errespetatzen duelako.
BEGIRATU
AGENDA
|
