|
|
 usika |
Flamenkoa
eta popa baino gehiago
 Pop
doinuak flamenkoarekin uztartu dituen Manolo García kanataria
Bilbon izango da urtarrilean, kaleratutako azken diskoak aurkeztu
eta burututako ibilbide profesionalean ospetsuak bilakatu diren
kantuak zuzenean eskaintzeko.
Abeslari katalanak 2001eko maiatzean kaleratutako Nunca el tiempo
es perdido, bakarkako ibilbidean burututako bigarrena da, Quimi
Portetekin osatzen zuen El Ultimo de Fila taldea desegin ondoren
Arena en los bolsillos izenburua duen lana argitaratu baitzuen.
Lan arrakastatsua izan zen saltzen jarri zen une beretik, bost egunetan
diskoaren 100.000 kopia saldu baitziren.
Manolo Garcíak bakarka kaleratutako bigarren diskoak, lehenengoaren
osagarri berdintsuak baditu ere, ildo desberdinetik doa, nabarmenak
baitira Rem edo atsegin dituen ehundaka musikarien eraginak, kantari
kataluniarrak berak aitortzen duenez. Abesti berrietan diskoteka
doinuak duten Un plan edo erritmo ezberdinak dituen Prendí
la flor tartekatzen dira. Arabiar musikaren kutsua ere azaltzen
da diskoaren zenbait pasarteetan, Manolo Garcíak dioenez,
“txikitan teilatuetara igotzen nintzen Tánger edo Aljeriako
doinuak entzutera eta hortik azaltzen dira abestietan bibolin arabiarrak
eta mandolinak”.
“Margotzeko paletan kolore guztiak bildu nahi ditut” dio
pintura gogoko duen kantariak bere bizitzan eragina izan duten musikari
eta joera aniztak azaltzeko: Argentinako tangoak, Elvisen rocka&rolla,
Creedence Clearwater Revival, Queen edo Peter Gabriel. Doinu hauek
bizitokikoekin elkartu ditu, sevillanak, tanguilloak, buleriak edo
‘kantu espainiarra’ tarteko, eta sortutako mestizajea
guztiz aberasgarria izan dela onartzen du.
URTARRILAK
9 ENERO (20.30)
EUSKALDUNA JAUREGIA - BILBAO
|
