usika

Folk eta rock
doinuen nahasketa

Folk-rock doinuak jorratzen dituen Perfect taldea gerturatuko da Bilboko Euskalduna Jauregira urtarrilean, mundu osoan arrakasta haundia eskuratu ondoren eskainitako 200 kontzertuetan. Perfectek The Pogues taldearen ildotik jarraitzen du eta desagertutako talde irlandarraren formula bera aukeratu du sortzen dituen abestietan, alegia doinu tradizionalak rockarekin uztartuz.
Hirukoa, The Pogues taldean ibilitako Jamie Clarke gitarrajole eta abeslariak, Pedja bosniar eskusoinu-joleak eta Andy Schabinger bateriajoleak taldea osatzen dute.
Clarke da taldearen arima eta 1987an London erdiko Camden auzunera bizitzera joan zenean murgildu zen buru belarri musika munduan, Camden baitzen nazioarteko musika bilgunea. Innocence Lost, 80ko hamarkadako pop talde ezaguna izan zuen lehen taldea, The Pogues folk-punk taldean munduari biraka ibili aurretik.
Pedja bosniarrak hainbat sari irabazi ditu, arin bai arin jotzeagatik, eta ukitu exotikoa txertatzen dio Perfect-en folk tradizionalari. Alemaniara ikasle heldu zen eta han lagun baten beste lagun baten laguna ezagutu zuen aleman ikastaro batean. Folk talde bat antolatzeko eskusoinu-jole baten bila ari zen norbait ezagutzen zuen horrek. Jakina, hura Jamie Clarke zen, eta garai hartan entseiuak egiten ari zen Mochen Ritter bateria-jolearekin.
Bateria-jole berria, Andy Schabinger alegia, Interneti esker aurkitu zuten. Schabingerrek gustokoa du doinu berriak probatzea eta erakutsitako sormenaz gain ahalmen handia eta ikaragarrizko talentua nabarmentzen zaio burutzen dituen abestietan. Gainera, bateria-jole berriak moderno-airea ekarri dio talde historikoaren estiloari.

URTARRILAK 18 ENERO (20.00)
EUSKALDUNA JAUREGIA

Teatro | Música | Danza | Audiovisuales | Zona Abierta | Agenda
Conócenos | Suscríbete | Contacta | Buscador | Números Anteriores