usika

Olerkiak kantu egin dituen musikaria

Paco Ibañez kantariak, ia mende erdian osatutako errepertorioaren zenbait atal eskainiko ditu, Neruda, García Lorca edo Brassensek sortutako hitzekin gaur eguneko eroaldiari aurre eginez.
Hasi berri den milurtekoan, Ibañezen ahotsa erreferente bilakatu da, ez bakarrik frankismoaren azken urteetan bizitakoagatik, baizik eta 68ko Maiatza, Hego eta Ertamerikako gertakari izugarriak eta beste zenbait gai jorratzen baititu gitarra eskuetan duelarik.
Valentzian jaio eta haur garaiak Frantzia eta Donostia artean eman zituen musikariak, bibolina ikasketak hasi bazituen ere berehala hartu zuen gitarra, Georges Brassens eta Atahualpa Yupankiren ereduari jarraituz. 1956an Los Yares hirukoaren kidea izan zen eta urte horretan ezagutu zuen Brassens, Olympian hain zuzen. 1958an Gongoraren La más bella niña olerkian oinarritutako kantuak ibilbide berriari ekiteko parada eskaini zion. 1964an Paco Ibañez 1, “España de hoy y de siempre” klasikoa bilakatu den lehen diskoa kaleratu zuen eta hiru urte geroago, Alberti, Blas de Otero, Gabriel Celaya, Miguel Hernández eta Quevedoren olerkiak biltzen zituen bere bigarren lana argitaratu zuen.
1969an Sorbonako unibertsitatean eskaini zuen saio ikaragarria eta abenduan Olympian grabatu eta hurrengo urtean argitaratu zuen zuzeneko diskoa, urrats aipagarriak izan ziren kantariaren ibilbidean, alegia 1983an Frantziar Estatuak eskaini zion Arte eta Letren Domina eskuratzeko erabakiorra. Oroitzen, Imanolekin grabatutako azken lanean, Euskal Herrian haurtzaroan ezagututako kantuak dakartza gogora.

URTARRILAK 19 ENERO (20.30)
GARE DU MIDI - BIARRITZ

Teatro | Música | Danza | Audiovisuales | Zona Abierta | Agenda
Conócenos | Suscríbete | Contacta | Buscador | Números Anteriores