ntzerkia

tetro

Ederra eta txuloaren trikimailuak

Entractes Organisations erakundeak 2001-2002 denboraldirako prestatutako komeria musikal bakarra ikusgai izango da Biarritzen otsailean, Alexandre Breffortek sortutako Irma la douce (Irma eztia) taularatuko baitu Chailloteko Antzoki Nazionalak. Protagonistak gorpuzten dituzten aktoreak, Nina Savary (Irma) eta Vincent Schmitt (Nestor/Oskar) aski ezagunak dira antzerki, telebista zein zinemagintzan eta beraiekin batera beste 15 antzezle eta bost musikari ageri dira eszenarioan.
Irma La Doucek jakina duen istorioa azaltzen du, alegia Caulaincourt zubia eta Geldiezinen taberna artean dagoen gunean, tunanteak, trapitxeroak eta mafiaren inguruan dabiltzan pertsonaiak agertzen direla, tartean maitasun istorioa delarik.
Caulaincourtetik Geldiezinen tabernara doan ibilbidea eskutik egiten dute Irma ederrak eta Nestor, jeloskorra eta alproja sentimentala den bere txuloak. Baina Irma ohartu egingo da Nestor diru eztutasunetan dabilela eta egoerari irtenbidea emateko asmoarekin, Nestorrek Oskar agure aberatsaren besoetara bultzatuko du Irma gaixoa. Baina ustezko Oskar Jauna, bizarrarekin mozorratuta dagoen Nestor bera izango da. Ezertaz ohartu barik, Irmak Oskar aukeratuko du baina Nestor kartzelaratuko dute, bertan azalarazten delarik Irmaren etsipena.
Jérôme Savaryk alaitasunean eta gozamenean murgilduta burutu zuen musikalaren ekoizpena, horren ospetsua den ‘Savary ukitua’ bazter guztietatik agertzen delarik. Haatik, ikuskizunak Breffortek idatzitako liburuxka jarraitzen badu ere, eszena zuzendariak aitortu egiten du bere asmo nagusia “Broadwayen egindako bertsio haundikietatik urruntzea” izan zela, oso itxura errazean idatzita zegoelako.
Musika efektu izugarririk izan gabe, Gerard Daguerre pianojole eta orkestratxo zuzendariak emaitza harrigarriak lortzen ditu lana borobiltzeko. Daguerrerekin batera, Roland Romanelli eskusoinujole miresgarria, Christian Orante bateriajolea, Jean-Luc Pagni, gitarra, txirula eta tronboijolea, Didier Sutton perkusiolaria eta Bernard Teissier kontrabajujolearen lana gehitu behar zaie.

OTSAILAK 15 FEBRERO (20.30)
GARE DU MIDI - BIARRITZ

Teatro | Música | Danza | Audiovisuales | Zona Abierta | Agenda
Conócenos | Suscríbete | Contacta | Buscador | Números Anteriores