|
|
 usika |
Irlandako
tradizioa puri-purian
 Irlandako
ahotsik fresko eta kementsuenetakoaren jabe den Niamh Parsons Euskal
Herriko zenbait eszentokietara gerturatuko da otsailean. Sandy Denny,
June Tabor eta Dolores Keane-rekin antza hartu dioten kantariari
buruz “haren ahotsaren moduko bat edo bi baino ez dira ageri
balaunaldi bakoitzean” esan du Archie Fisher eskoziar artista
handiak.
Dublingo kantariak txiki-txikitatik musika izan du inguruan, aitak
kantua eta harmonia irakatsi baitzien hari eta ahizpari. Gaztetan
sorterriko pub batean musika tradizionala jorratzen hasi zen eta
bertan bere kantu sorta handitu zuen. Gerry ‘Banjo’ 0’Connor-ek
abesten entzun zion eta Killera taldearekin bat egiteko aukera eman
zion, haiekin hiru urte egin zituelarik. 1989an Waterboys taldeko
Mike Scott-ek gonbitea egin zion haiekin Dublingo Olympia Theatre-n
abesteko.
Hurrengo urratsa Belfasteko Dee Moore musikariarekin eman zuen,
bajujolari Niamh-en ahotsa ezin egokiagoa begitandu baizitzaion
bere abestietarako. Niamh eta Dee Loose Connections taldearekin
batera Edinburgoko Folk Jaialdira gonbidatu zituzten eta Eskoziako
hiriburuan emandako ekitaldia Greentrax disketxeko arduradunek entzun
eta kontratua sinatzea proposatu zioten. Lehen lana 1992an argitaratu
zuen Loosely Connected izenburuarekin. Kritika bikainak jasotzeaz
gain, De Dannan taldeko Johnny ‘Ringo’ McDonagh bodhramjoleak
gonbita egin zion Arcady irlandar musika tradizionaleko bere taldearekin
bat egiteko.
Arcadyrekin batera Many Happy Returns diskoa kaleratu ondoren berriro
ekin zion bakarkako bideari eta Loosen Up grabatu zuen 1997an eta
1999an Blackbirds and Thrushes izenburupean irlandar baladez diskoa
plazaratu zuen. 2000n lagun duen Graham Dunne gitarrajolearekin
In My Prime argitaratu zuen, BBC Radio 2k Urteko Diskoa izendatu
zuena alegia.
OTSAILAK
15 FEBRERO
ZUBELTZU ZINEMA (DEBA)
OTSAILAK 17 FEBRERO (20.30)
EUSKALDUNA JAUREGIA
|
