|
|
 usika |
M’balax
eta blues uztarketa
2000ko
ekainaren bukaeran argitaratutako Dabah azken diskoarekin dator
Senegalen jaiotako Ismaël Lo musikaria, non heldutasuna adierazten
duten abesti guztiak biltzen dituen. Bere etxean zein Dakarreko
Studio 2000 eta abestiak nahastu diren Parisko ekoiztetxean sortu
eta grabatutako kantuak barnean daraman zirrara aireratzen dute.
Gogoko dituen gaiez gain, entzuleen kontzientzia astintzeko asmoa
azaltzen du Ismaël Lok, bere itxura guztietan azaltzen den
norberekeria salatzen baitu sortutako hitzetan. Besteak beste, arrazakeria,
baliozkotasunaren aurretik diru-gosearen fetitxismoa edo etorkizuneko
Afrika aipatzen dute bere kantuek. Dabah-en tartekatu dituen abestietan
agerian utzi du, doinu berriak sortzeko zein blues kutsuarekin m’balax
erritmoak nahasteko gaitasuna. Era berean, mundu osoan barrena egindako
joan-etorriak bazter guztietako koloreekin blai agertzen dira abestiak.
Hala bere aitaren hizkuntzan, wolof dialektoa alegia, nola frantzesez
eskaintzen dituen kantuetan mandingo eta peul kulturen me-lodiak
eskaintzen ditu soul zein rythm & blues amerikarraren ikutuekin.
Musikan burututako ibilbidea Dakarren hasi bazuen ere, Mauritania
eta Ganbian zehar ibili zen Super Diamono taldean sartu aurretik
eta Europa eta Kanariar Irletara iritsi baino lehenago. Senegalera
itzuli ondoren, Super Diamonorekin hasi zen eta beraiekin zela murgildu
zen sorterriko erritmoekin doinu dantzagarriak sortzen. Lortutako
erritmo berriek gazte senegaldarren artean arrakasta izugarria izan
zuten eta M’balaxen sorrera suposatu zuten.
OTSAILAK
20, 21 FEBRERO
BEGIRATU AGENDA
|
