ntzerkia

tetro

Hilketak edo kulturaren deuseztapena

Xirrixti Mirrixti Antzerki Taldeak, Lamindegiko Laminak lana taularatuko du Biarritz Culture erakundeak antolatu duen ‘Hiru Harriz Lau Xori’ egitasmoan. Baionako konpainiak 1998an egin zuen bezala, hau da, urte bete lehenago Donostia Hiriko Literatur Lehiaketako Antzerki Saria irabazi zuen Beherearta lanaren ekoizpena egin zuenean, orain ere Gipuzkoako Hiriburuko lehiaketa irabazi zuen testua aukeratu du bere zortzigarren ekoizpena burutzeko.
Hala Beherearta eta Lamindegiko Laminak nola 1995ean taularaturiko India beltzak, hirurak dituzte egile bera, Pantzo Hirigarai idazle eta kazetariak sinatutako testuak baitira.
Aldez aurretik sortutako zortzi antzezlanekin egin duten bezala, “Euskal Herriko gizartean leinuruak” aukeratu dituzte Xirrixti Mirrixtikoek, taldekideen lehen helburua euskal kultura bultzatzea baita, era berean, barrea eraginaraziz.
Hirigaraik idatzi eta Donostian bizi den Edi Naudo artista eta zuzendari katalanak gidatu duen ikuskizuna Irati inguruan kokatu du Xirrixti Mirrixtik. Euskal Kultur Erakundea eta Garazikus Elkartearekin batera erdietsitako azken komeida bada ere, eleberri beltzaren oinarriak agertzen ditu eta literatura mota horren maisua den Agatha Christieren ildotik darrai. Baionako konpainiako kideek aitortzen dutenez “Hamar negrottak’ iradokiz, Euskal Herrian ere hamar pertsonaiak bata bestearen ondotik desagertzen dira”.
Lanaren protagonista nagusia, Maixan Lumaeder idazlea eta Iparraldeko azken euskalduna alegia, euskal kulturako azken ordezkariak bere Iratiko txaletera gomitatzen ditu. Euskalzaletasuna kinka larrian dagoela-eta, gogoeta egitea erabakitzen dute ondarea salbatzeko asmoarekin.
Lumederren inguruan Euskal kulturako arlo desberdinen azken ordezkariak bilduko dira: Xalbattin bertsularia, Aita Aritzabelar euskaltzaina, Panpi Sare pilotaria, Amaia Solsoprano kantaria, Eulalia de Taulagain antzezlea, Peio Xirulet txistularia, Ramuntxo Aztalarin dantzaria, Amédée Xango mus jokalaria eta Antton Haitzondo haizkolaria. Bitartean, elur ekaitza batengatik, denak mendiko aterpe horretan irten ezinik geratuko dira eta bapatean erahilketak hasiko dira Lamindegiko Laminak leiendaren haritik. Ikuskizunak erakusten dituen ezugarri nagusiak. Xirrixti Mirrixtikoen esantean “hobenduna zein den eta hilketak zein helbururekin burutzen diren” aztertzen da ikuskizunean zehar. Hala ere, beste ikuspuntu edo keskari ere ekiten diote, alegia hiltzaileak “jadanik hilzorian den Eskualtasuna betiko desagertarazi nahi ote duen edo ba ote duen besteek ezagutu behar ez duten sekretu bat?”. Guztia argitzeko, Hirigarairen detektibe kuttuna den Zakarias Putxapal gerturatuko beharko da.
1982an sortu zenetik Pantzo Hirigarairen hiru lan taularatu baditu konpainiak, Piarres Larzabal, Daniel Landart, Pantxoa Etchegoien edo Piarres Lafitteren testuak egokitu ditu eszenarako.

Autor, periodista y actor

Además de haber obtenido el primer premio del certamen literario Ciudad de San Sebastián en 1997 y 2000 con sus obras Beherearta y Lamindegiko Lamiak, respectivamente, el escritor de Baigorri Pantzo Hirigaray desempeña su actividad profesional como periodista en Irulegiko Irratia y figura en el elenco del último trabajo de la compañía Xirrixti Mirrixti.

MARTXOAK
24 MARZO (17.00)
LE COLISEE - BIARRITZ

Teatro | Música | Danza | Audiovisuales | Zona Abierta | Agenda
Conócenos | Suscríbete | Contacta | Buscador | Números Anteriores