ntzerkia

tetro

Hiriak dakarren giza-isolamendua

Lapurdiko Getaria herrian egoitza duen Théâtre du Rivage konpainiak, ibilbide profesionalean burutu duen bigarren lanaren aurre estreinaldiak burutuko ditu martxoan, apirilan Baionako Antzokian ikuskizunaren estreinaldi ofiziala egin aurretik. Lapurtarrek testu garaikidea eta ausarta aukeratu dute dirulaguntza ugarirekin hornitutako lana taularatzeko eta Sergi Belbel katalanarren Caresses (ferekak) ekoizteko.
Pascale Daniel-Lacombe-ren zuzendaritzapean, Estatu frantziarreko, Kanadako, Kataluniako eta Euskal Herriko hamar aktore bildu dira, “horren jatorri ezberdineko an-tzezleekin lan egiteak Unibertso ezberdinak agerian jartzeko” aukera eskaintzen diolarik. Bere osotasunean frantzesez burutzen bada ikuskizuna, aktoreen jatorrizko hizkuntzaz baliatuko da Daniel-Lacombe “katalanez edo gaztelaniaz esandako bizpahiru esaldi tartekatuko baititugu agerraldian, Belbelek sortutako testua eta berak esan nahi duena indartzeko asmoarekin”. Agian, ez du izango horren beharrik, “berak erabiltzen dituen hitzak benetazkoak izateaz gain, azkarrak eta bortitzak direlako”, zuzendariaren ustean.
Gizakien arteko komunikazio eza edo elkarrekin harremanetarako arazoak islatzen dira Théàtre du Rivageren ekoizpenean, protagonistak axolagabetasuenean erori diren lau belaunalditako pertsonaiak direlarik. Taularatzerakoan Schintzler-en erronda delakoa aukeratu dute eta protagonista guztiak binaka agertzen badira lehen planoan, pertsonaia ezberdinekin osatzen dira hamar eszenak burutzen dituzten bikote guztiak. Aurrekaldean ageri diren bikoteen inguruan beste zenbait hiritar dabiltza han-hemenka, hiria eta egungo hirietan dagoen isolamendua islatu eta ados jartzeko guneak aurkitu ezinean.
Sorkuntza lana egonaldiaren ondorioa izan da eta partsonaia bakoitza finkatzeko. Antonin Vaulin akoteraren esanetan “norberarena eta beste guztien testuak antzeztu ditugu lehenengo eta horrek aukerak eman dizkio zuzendariari sortutako ñabardurak pertsonaia bakoitzari itsasteko”.
Belbelen mezua azpimarratzeko asmoarekin, izugarrizko garrantzia eman diote eszenografia, argiztapena eta musikari. Didier Kuhn-en dekoratuak hiri handietako edozein plaza irudikatzen badu, Pascal Gaigne-ren doinuak leun-leun abiatzen dira lehen planora eta Bruno Paris-ek argiarekin egindako sorkuntza lanak gune bakoitzera egokitu ditu. Gaigne zein Paris-ek egindakoak pertsonaia bakoitza nabarmentzeko sortu dira.
Théâtre du Rivage konpainia 1999an bilakatu zen profesionala, Moliereren George Dandin lana sortu eta Bordeleko epaimahaiaren oneritsia jaso ondoren. Gaitasun aitorpenak dirulaguntza publikoak eskuratzeko aukera emateaz gain, egun 200 gazte biltzen dituen tailerrak sortzeko aukera eskaini diote.

Talento catalán

Alumno aventajado de Sanchis Sinisterra en el Teatro Fronterizo, el autor y director Sergi Belbel (Terrassa, 1963), explora en su labor las estructuras y la esencia del conflicto dramático. Una muestra de ello son sus obras Elsa Schneider (1987, Premio Nacional Ignasi Iglesias), Talem, lecho conyugal (1989), Caresses (1991), Después de la lluvia (1994).

MARTXOAK 9 MARZO
FAUSTIN BENTABERRY ARETOA - IZPURA
MARTXOAK 15 MARZO
THEATRE DES VARIETES - HENDAIA

Teatro | Música | Danza | Audiovisuales | Zona Abierta | Agenda
Conócenos | Suscríbete | Contacta | Buscador | Números Anteriores