ntzerkia

tetro

Konkistatzaile eroaren zeharkaldia

José Sanchis Sinisterrak idatzitako Lope de Aguirre, traître (traidorea) lana estreinatuko du José Manuel Cano López Konpainiak Baionako Antzokian. Zuzendari lanak burutu dituen Cano Lópezek aipatzen duenez “bi urte direla erakutsi zidan testua Claude Demarigny-k eta berahala jakin nuen lan hori taularatuko nuela”.
Konpainiak Tours hiriko Château de Plessis-lès-Toursen duen egoitzan hasi zituzten entseguak abenduan. Bederatzi pertsonaia azaltzen badira prestatutako ikuskizunean, sei aktoreen artean gorpuzten dituzte pertsonaiak eta etengabe konkistatzailearen inguruan mintzatzen dira, Lope de Aguirreren ispiritua uneoro oholtzan azaltzen delarik. “Sanchisek idatzitakotik baino, aktoreak pertsonaien bila dabiltzatela hartu dugu abiapuntu” zuzendariaren esanetan.
Bitxikeria izanik ere, ikuskizunean Lope de Aguirre konkistatzaile-traidoreak hilzorian dagoela bizi duen eroaldia aipatzen bada, lanari izena ematen dion protagonista ez da inondik inora azaltzen antzezlan osoan. Zuzendariak aitortu egiten du “nahiko arraroa da antzezlana horrela ekoiztea, baina burutu dugun dramaturgia lana munstroaren itxurakoa izan da”. Frantzian sortzen den antzerki garaikidean ezohikoa bada ere bost pasarte koral tartekatzen dira ekoizpen berrian.
Mamia, ordea, burutzen diren bederatzi bakarrizketetak dago, “Lope de Aguirreren bizitza zeharkatzen duten pertsonaien bitartez azaltzen delako bere bizitzaren pasarte aipagarrienak”, Cano Lópezen esanetan. Hala nola, Lope de Aguirreren neskamea eta bere alabaren jabea den Juana Torralva; ‘sukarraldia jota’ agertzen den Pedro de Ursua gobernadorea; Doña Inés de Atienza, zendutako gobernadorearen etxekoandre mestizoa alegia; Perúko printizpea den Don Fer-nando de Guzmán; Marañón deitura duena eta Amazonian galdutako Aguirreren soldadua; Loperen eskuineko esku hiltzailea den Anton Llamoso; konkistataileak erahiltzen duen Ana Rojas; espediazioaren bapateko kronikalaria den Pedrarías soldadua eta bere aitak inmolatu baino pixka bat lehenago azaltzen den Elvira Aguirre.
Zuzendariak dioenez “Sanchis Sinisterraren idatziaren inguruan biltzen dira literaturan izan diren maisu handiak, Cervantes, Lope de Vega, Tirso de Molina eta García Lorca ezezik, Beckett edo Shakespearerekin baliatu baita zati txikiez osatzeko konkistatzailearen bizitza eta gai garratzetatik pasarte umoretsuetara dagoen transizioa burutzeko”. Testua taularatzerakoan izugarrizko garrantzaia eman dio José Manuel Cano López Konpainiak irudiari eta XVI eta XVII. mendeetako kuadroak azaltzen badira eszenarioan, garaikedatasuna nagusitzen da ekoizpenean.

Exploración temática

La obra teatral de José Sanchis Sinisterra (Valencia 1940) explora diferentes temáticas en un continuado movimiento entre la tradición y las líneas dramáticas contemporáneas. La creación en 1977 de Teatro Fronterizo supuso el inicio de un importante trabajo de investigación teatral que ha incidido en los límites de la teatralidad, en la intertextualidad o la metateatralidad.

MARTXOAK 5, 6 MARZO (21.00)
BAIONAKO ANTZOKIA

Teatro | Música | Danza | Audiovisuales | Zona Abierta | Agenda
Conócenos | Suscríbete | Contacta | Buscador | Números Anteriores