antza

Mintegietan ikasitakoa agerian

Biarritz Culture erakundeak sortutako Bi harriz lau xori ekimenak, margo eta argazki erakusketak, kantaldiak eta antzerki emanaldiez gain, dantza agerraldia iragatzen du, Pantxika Telleriak burutzen duen EliralE konpainiaren eskutik.Telleriak berak sortu eta Célia Thomasek dantzatuko duen Eden lanaren estreinaldiaz gain, iaz taularatutako Firua pieza erakutsiko dute eta Telleriak berak zuzenduriko Mintegiak izango dira ikusgai saioan, azken honetan 115 ikaslek sortutako hogei koreografiak dantzatuko dituztelarik.
Eden deituriko pieza sortzeko bi esannahi dituen hitzean oinarritu da Telleria, “hebraieran ‘lurreko paradisua’ esan nahi duelako eta bizkaieraz ‘pozoia’ adierazten duelako”, Donibane Loizuneko koreografia egilearen esanetan. Telleriaren esanetan, aldi bereko bikoiztasun horrek eta “emakumeen ez berdintasun kulturalak kontutan harturik, ez ote du adierazi nahi hitz biak lortura zuzena dutela?” galde-tzen du Telleriak. Zalantza horretatik abiatu da koreografoa emetasunari argazkia ateratzeko edo zinematografiatzeko.
Eden pieza EliralE konpianiak izenburu bera duen ikuskizunean tartekatuko du Andante eta Exquise exuberance koreografiekin batera. Ikuskizun osoa Carcassoneko Jaialdian estreinatuko da datorren uztailean.
Firua (haria) pieza 2002ko Koreografo Gazteak programarako aukeratu zuen Eusko Jaurlaritzak eta mutur ezberdinetan kokatzen diren itoaldia eta gozamena lotzen dituen haria islatzen du. Célia Thomasek dantzatzen duen koreografiak indarra eta gozotasuna adierazteaz gain, haurtzaroarekin lo-tzen gaituen hari leuna irudikatzen du, nondik oreka-desorekan egiten dugun aurrera.
Saioak Mintegiak du izenburua eta bere oinarria Bi harriz lau xori ekimenaren barne izango den argazki erakusketan datza, non Polo Garat zuberotarrak Afrikako mendebaldeko herrialde ezberdinetan lortutako irudiak ikusgai izango diren.
Mintegiak lana Telleriak eta Thomasek Lapurdiko hiru ikastetxeetan zuzentzen dituzten tailerren emaitza da, non ikasleek Garatek ateratako argazkiak hartu dituzten abiapuntu, guztira 20 koreografi ezberdin sortzeko. Telleriaren esanetan “sorkuntza koreografikoaren prozesua izan da mintegien ardatza, haurrak sorkuntzan murgiltzea baita asmo nagusia eta zerbait komunikatzeko gorputzaren hizkuntza besterik ez dela behar ohartarazteko”.
Garaten argazkiak izan badira abiapuntu Mintegiak burutzeko, Amélie filmarentzat doinu banda egin zuen Yann Tiersen musikagileak sortutako oinuak dituzte lagun eszenarioan azaltzen diren dantzariak.


Dantza herrikoian abiada

Pantxika Telleria se inició en el baile folklórico para pasar a la danza de jazz moderno y más tarde a la clásica, hasta que una lesión le apartó de la práctica activa y le llevó a abordar la docencia y la creación coreográfica. Aunque cuenta con su propia compañía, EliralE, crea coreografías como Esquisse pour une vie, que se estrenará en mayo en la Ópera de Marsella.

MARTXOAK 22 MARZO (18.00/21.00)
THÉÂTRE COLISÉE - BIARRITZ

Teatro | Música | Danza | Audiovisuales | Zona Abierta | Agenda
Conócenos | Suscríbete | Contacta | Buscador | Números Anteriores