|
|
 usika |
Lapurdiko
elizak dira agertokiak
 Baiona
Euskal Kostaldeko Orkestrak ohiko denboraldiko kontzertuaz gain
Eliz Musika zikloa eskainiko du martxoko azken egunetan eta apirilaren
hasieran, ziklo horretan bost kontzertu emango dituelarik. Abonu
denboraldiko saioa martxoaren 24an burutuko da Baionako Antzokian
Dmitry Sitkovetsky-ren zuzendaritzapean eta ekitaldian Wagner eta
Mozarten lanak entzungai izango dira.
Eliz Musika zikloa 27an hasiko da Arrangoitzeko elizan Couperinen
Ilunpeetako ikasgaiak lana eskainiko dutelarik Solagne Añorga
eta Laetitia Casabianca sopranoek, Sébastian Wonner klabezinojoleak,
Bruno Helstroffer tiorbajolea eta Paul Rousseau biolajolea. Bigarren
saioa 29an burutuko da Baionako Saint Etienne elizan, non Aranud
Aguergaray eta Alysson Hottua-Iribarne bibolinjoleek, Olivier Seube
biolajoleak eta Emmanuelle Bouillier biolontxelojoleak Haydnen Gurutzetik
Kirstok esandako zazpi hitzak, joko duten.
Lapurdiko Getariako elizan izango da hirugaren kontzertua 31n eta
saioan Françoise Dechico pianojolea, Arnaud Aguergaray bibolinjolea,
Michel Delattre klarinetejolea eta Emmanuelle Bouillier biolontxelojoleak,
Messiaen konposagileak sortutako Garaien bukaerako Kuartetoa eskainiko
dute.
Beste bi saio izango dira apirilan, lehena Hendaiako elizan 2an
eta bigarrena Donibane Loizunekoan 4an, saio bietan Baiona Euskal
Kostaldeko Kontserbatorioko abesbatza ariko delarik. Hendaian Sebastian
Wonnerren zuzendaritzapean Laetitia Casabianca sopranoa, Danièle
Alexandre mezzosopranoa, Philippe Froeliger tenorra eta François
Ithurbide baritonoak Bachen Paskoko Oratorioa eta Orkestrarako 1
zbkiko. suitea eskainiko dituzte. Donibane Loizunekoan Xabier Delette
izango da zuzendari eta Arnaud Peruta organojolearekin batera Danièle
Alexandre mezzosopranoa eta Jean-François Gardeilek Kernisen
Musica celestis, Durufléren Requiem eta Ebeneb Organurako
2 zbkiko. Kontzertua eskainiko dute.
|
