|
|
 abal
gunea |
ona
Abierta
|
Animazio
proiektu berriak
 Pausoka
produktora gipuzkoarrak bi animazio proiektu martxan jarriko ditu
hilabete gutxitan hiru urteko epearen barne bukatzeko, Alex &
Alexis eta Maroons Victory Group ekoiztetxe alemaniarrarekin batera
bere lehenengo animazio serieak burutu ondoren.
Aurrenekoa, Cloud Trotters´ (Los Trotanubes), Susan S. Digorry
Pausokako gidoigileetako baten ideiatik jaiotako proposamena, Europar
Batasunak urtero antolatzen duen Cartoon Forum 2001ean parte hartzeko
aukeratu zuten. Ondorioz, Club Megatrix Estatuko ekoiztexeak ere
ekoizketan parte hartzeko interesa agertu zuen.
Aingeruak
Hogeita sei ataleko lan honek goardako aingeruak izatera heltzeko
zeruan kokatua dagoen akademira doazen lau aingerutxo ditu protagonista.
Bere lehen zeregitea lurrera jeistea izango da bertan dauden ume
talde bat zaindu eta bide onetik gidatzeko xedez. Esperientziarik
ez izatean estu eta larri ibiliko dira baina eskolan ikasitako teoriaz
lagunduta lortuko dute zerbait garbirik ateratzea.
Hasiera hasieratik kultura anizdun proiektua egiteko asmoa adierazi
dute eta oraingoan, Javier Martinez, Klasky CSUPO Inc. talde estatubatuarraren
kide dena Euskal Herriraino hurbildu da zuzendari lanetan aritzeko.
Besteak beste, gidoien ardura Skryptonite Ltd. konpainia ezkoziarra
izango du eta Gasteizen sortu berri den Tec Toon estudioak diseinu
grafikoa kontrolatuko du. Animazioa bera, Pausokaren esku gelditzen
bada ere beronen errealizazioa Animagic Studio korearrak eramango
du aurrera.
Pinotxo
Pinocchio in the maze (Pinocho en el Laberinto), betiko ipuin bat
gaurkotzeko ideiarekin jarri zen abian Pausokako Garapen eta Proiektu
Departamenduan. Pinotxo, gizaki bilakatu nahi duen egurrezko panpinaren
ideian egongo litzateke proposamen berri honen giltza.
Carlo Collodi ipuinaren autoreak bere lanean igorritako esentzia
errespetatzen saiatu badira ere, originaletik gaur egunera eman
diren aldaketa eta etorkizun batean eman daitezkeenak barneratzeko
asmoa dute. Esaterako, Gepetto, dagoeneko ez da harotza izango baizik
eta klonazio teknikak garatzen ari den genetika ingenieru baten
paperean ezarriko dute. Pinotxok, bestalde, ez du egurrezko panpin
bat izaten jarraituko, baizik eta Gepettoren esperimentuetako bat.
Aitzitik, istorioaren tramari dagokionez ez dute aldaketa nabarmenik
egin, honela, Pinotxo bere identitate eta bizitzari nola egin aurre
galderaren erantzunaren bila ihes egingo duen berbera izango da
bertsio berritzaile honetan. Bestalde, bere abenturak birtual itxurako
inguruneetan kokatu dituzte, hots, herriska teknologikoetan aurrerago
aipatutako girotze futurista lortu nahiean.
{lugaryfecha}
|
