ntzerkia

tetro

Barruak uzten

Zarauzko Olerti Etxeak orain pare bat urte antolatutako Bakarrizketa Dramatikoen Lehiaketan saritua atera zen Idoia Etxebarria Elorzaren, Bakartxo, testua taularatu berri dute martxoan eta jada bigarren emanaldi bat aurrikusia dago hilabete honetan.
Patxi Santamaria eta Ainhoa Aranburu, Olerti Etxeko antzerki ekitaldi ezberdinetan kolaboratu izan dutenak Zarautz eta inguruetako beste aktoreen antzera, hots, Kandiko Uranga, Ignazio Tolosa, Nagore Aranburu edo Ane Aseginolasa, proiekutu honetaz arduratu dira.

Aldaketak

Aurreneko planteamendua testua ezagutaraztea izan zen eta ondorioz ahalik eta moldaketa gutxienak egin zituzten estreinaldirako, alabaina, apirileko ekitaldirako zenbait proposamen berri kontutan hartzeko asmoa dute .“Antzerkirako idazten duen lehen lana da eta badaude beharbada idaztetik gero eszenaratzera diferentzia batzuk. Idoia konforme dago planteiatu ditugun aldaketekin, dana dala gure asmoa gidoia pixka bat arintzea baino ez da testuaren esentzian dagoen bezala utziz. Bakarrizketan arazo bat planteatzen du eta atalka konpontzen doa beraz zaila da pasarteak kentzea ze egitura erori egingo zan”, dio Patxi Santamaria zuzendariak.
Gutxi gorabehera 35 minitu dirauen bakarrizketa honetan Bakartxok, protagonistak, barruak uztutzen ditu ikusentzuleak psikologoak balira bezala.
Kolore handiko pertsonaia da hogeita hamar urteko emakume hau. Umorea, tristura, seriotasuna edozein pertsonak jasatzen dituen sentimenduak adierazten ditu, batzutan denak batera eta besteetan, banaka.
Ainhoa Alberdi aktoreak oso pertsona orekatua ikusten du Bakartxo, “koherentea dela diot emozio guztiak nahi bezala manejatzen dituelako. Normala iruditzen zait harreman apurtze baten aurrean sentimendu horiek guztiak izatea, horrela izango ez balitz zerbait ezkutatuko luke eta orduan bai izango lituzke benetako arazoak”.

Amodio eza

Desamodio kontu bat dago protagonistak bizi duen emozio berpizte honetan eta psikologoarenera joatea erabaki du lehertzear sentitzen baita. Gezurra eta egiarekin jolasean ari da, aitzitik, ondo baino hobeto bereizten du errealitatea eta fikzioaren arteko muga. Testuak aurrera egin ahala Bakartxok barneratutako sentimendu horiek guztiak askatzea lortzen du egoerari buelta emanez eta pairatutako ezbeharretaz barre eginez.

Idoia Etxebarria Elorza

Bakartxo testuaren egilea, Euskal Filologian lizentziatutako 24 urteko oñatiarra dugu. Egun, Euskaldunon Egunkarian dihardu lanean eta aldi berean, Oñatiko Udal Aldizkarian ere kolaboratzen du orain hiru urtetatik. 2000 urtean, Gutiziak Emakume Idazle Elkarteak bultzaturiko testu ezberdinez osotutako liburuan kolaboratu zuen

APIRILAK 12 ABRIL (19.30)
OLERTI ETXEA- ZARAUTZ

Teatro | Música | Danza | Audiovisuales | Zona Abierta | Agenda
Conócenos | Suscríbete | Contacta | Buscador | Números Anteriores