ntzerkia

tetro

Umorea, bost istorio eta lau emakume

Urteak pasa dira Loly Astoreka, Elixabete Elizondo, Aitzpea Goenaga eta Elena Iruretak elkarren artean zerbait prestatzeko ideia izan zutenetik. Azkenik orain pare bat hilabete eskas entsaiuak hasi zituzten eta jada martxoan Alkizan estreinatu zuten Hau paraderoa! lana.
Orotara bost istorio ezberdin, lau aktore, hogei pertsonaia, umorea barra-barra eta esperoa, laburbilduz, horiek izango lirateke antzezlan berri honen ardatz nagusiak.

Ondo pasatzea

Aitzpea Goenagak eta Elena Iruretak, bakoitzak bere aldetik, sketch ezberdinak garatu dituzte azken emaitza honetara iritsi arte. Helburua, lehenengo momentutik, ondo pasatzea izan da eta horretarako beharrezko eta baliagarri diren osagai guztiak barneratu dituzte.
Egoera guztiak gela txiki batean, kokatzeko ideiarekin garatu dituzte neurri handi batean gerora antzoki ezberdinetako errealitatera moldatzeko asmoz. Horrela, Ezkontza agentzia batetik, Tanatorio batera, Ginekologoaren kontsultaren ataritik , Marokoko aireportuko itxaron gela batera eta hortik Tolosako abesbatza Lehiaketa ospatzen ari den Leidor Antzokiko kamerinotik zehar.

Umorea eta larrialdiak

Istoriek ez dute jarraikortasunik, alabaina, sketch bakoitzeko pertsonaiek bizi dituzten egoera larri eta aldi berean, barregarriek funtzionatzen dute lotura gisa. “Esaterako, Tanatorioan dauden ama alabek ez dute zerikusirik Marokoko aireportuan dauden lau lagunekin edota abesbatza bereko lau partaideekin ala elkar ezagutzen ez duten eta ginekologoaren kontsultaren atarian batzen diren emakumeekin”, dio Elena Iruretak.
Nahiz eta orohar lau aktoreen arteko lan kolektiboa izan Aitzpea Goenaga arduratu da taldea koordinatzeaz, azken orduko ikutuetarako Eneko Olasagastiren laguntza izanik. Walter Krusek eszenografia sinplea planteiatzen du taulagaineko gune beltza aprobetxatuz egoera batetik besterako transizioa jantzi eta bestelako aipangarriekin nabarmenduz.

APIRILAK 13, 17, 20 ABRIL
BEGIRATU AGENDA

Teatro | Música | Danza | Audiovisuales | Zona Abierta | Agenda
Conócenos | Suscríbete | Contacta | Buscador | Números Anteriores