|
|
 usika |
Indarberrituriko
talde beteranoak
 Joera
ezberdinak lantzen dituzten baina hainbat urtetan eszenarioetan
dabiltzan talde beteranoak apirilan Euskal Herrira gerturtuko dira,
Supertramp, Status Quo eta Judas Priest gurekin egongo baitira.
Hogeita hamairu urte igaro dira Rick Davies eta Roger Hodgsonek
taldearen aurkezpen diskoa izan zen Supertramp lana aurkertu zela
eta orain Slow Motion lan berria aukeztera etorriko dira Gasteizko
Buesa Arenara, apirilaren 30ean. Hodgsonek taldea 1983an uzti zuen
alde batera eta Daviesek, gaur egun, John Helliwell saxojolea, Mark
Hart abeslaria eta teklatuak, Carl Verheyen gitarrajolea, Cliff
Hugo bajujole, Bob Siebenberg bateriajolea eta Jessie Siebenberg
perkusiojolea izango ditu taldekide. Besteak beste Crime of the
Century, Breakfast in America edo Goodbye Stranger diskoekin 50
milloi kopiatik gora saldu ondoren, “One More For The Road
Tour 2002” birari ekingo diote Europan barrena.
Britainia Handian sortutako beste talde beteranoa gerturatuko da
Iruñeako Anaitasuna Kiroldegira, apirilaren 7an, kasu honetan
heavyaren doinuak nagusituko direlarik. 27 urte daramatza Judas
Priestek eszenarioetan Sin after sin, British steel edo Killing
machine bezalako diskoak arrakastatsuetako kantuak zuzenean eskaintzen,
orain Demolition izenburua duen lana berria aukezteko asmoarekin.
Rick Partiff gitarrajoleak izandako moto istripuaren ondorioz besoan
izandako zaurietatik sendatu ondoren, bere indar guztia erakutsiko
dute eszenario gainean Status Quokoek. Francis Rossi, Andrew Brown,
John Edwards eta Mathew Letleyrekin batera rock’n’rolla
gogoko dutenentzat saio ahaztezina eskainiko dutela iragartzen dute.
Erraz barneratzen diren doinuak zorroztutako gitarrarekin nahastuz
lortutako emaitza erakargarria agerian jarriko dute. Hainbat hamarkadatan
dihardun seikoteak eskuratutako doinu ezagunak Garesen izango dira
entzungai apirilaren 27an.
|
