ntzerkia

tetro

Ihes egiteko aukerarik gabe

Dramaturgia bisualan aurrera eginez, Gaitzerdi konpainiak Bakun antzezlanean aktore anonimoa pertsonaia ezagun eta onartuak bihurtu arteko eraldaketa antzezten du. Agerpen eta desagerpenaren kode akrobatikoa eta mimesia, antzelearen biderkaketa tarte, pertsonaiak mugatutako toki itxian sartu dituzte ihes egiteko aukerarik gabe.
Kepa Ibarra zuzendariaren aburuz, “mimesia lantzea oso zaila da, ispiluarena baino, klonikoa izan behar baitu. koreografiarekin alderatuta, non bakoitzak bere barnean daraman hori atera dezakeen, mimesian disziplina beharrezkoa da ”.
Pertsonaiaren sortze prozesuan krisia dute oinarri, Ibarrak azaltzen duenez “antzezle bakoitzak bere ingurukoekin antza duela somatzen duenean arazoa sortu eta antzezlearen katarsia, eztanda du ondorio”.
Gaitzerdik egin ohi dituen lanetan eszenen arteko konexioa urria izan den arren, oraingoan hiru atal nagusitan banatu dute: pertsonaiak elkartzen direnen lehena, non plastikotasuna eta katarsia nagusitzen diren; apurketa dramatikoa planteatzen duen bigarren zatia; eta azkenik, antzezleek euren animali izaera erakusten duten hirugarrena, non, Ibarraren esanetan, “oinarria agertzen den, portaera ezberdina duten gizaki bik momentu jakin batean kode, idea eta konpromezu berdinak izatean”. Joku erritualera iritsi arte, hutsean ibiliz gorputza, antzezleak dibertsio jokoan murgiltzen diren arte.

MAIATZAK 30 MAYO (22.45)
INSTITUTUKO PATIOA - LEIOA

Teatro | Música | Danza | Audiovisuales | Zona Abierta | Agenda
Conócenos | Suscríbete | Contacta | Buscador | Números Anteriores