|
|
 ntzerkia
|
tetro
|
Tamainak
ez du garrantzirik
Bederatzi
ikuskizun desberdin eta ia 30 emanaldi izango dira Donostiako zenbait
tabernatan, maiatzaren 9an hasi eta 26ra arte burutuko den 2002ko
Poltsikoko Antzerki Jardunaldietan. Agerraldietan joera, argudio,
helburu eta hizkuntza ezberdinetan sortutako ikuskizunak taularatuko
dira.
Antzerki bisuala jorratzen duen Laura Kibel italiarrak emango dio
hasiera agerraldiei Ve donde te lleven tus pies izenburua duen lanarekin.
Teatro dei Piediko kideak oinak, zangoak eta belaunak eranbiliz
bizitza duten txotxongiloak bezala agertzen da eszenarioan eta nahiz
eta trukoak jendaurrean erakutsi, magiaz beteriko saioak burutzen
ditu.
Modari astindua
Lau neskaz osatutako Kasketa Kabareta talde donostiarrak taldearen
izenburu bera duen antzezlana zein Neskapolitan ikuskizuna taularatuko
ditu. Lehenengoan kabaretea kritiko, zitriko eta zorrotza egiteaz
gain, egungo bizimoduari kritika egiten diote. Neskapolitan, bestalde,
Euskal Herriko moda aldizkaria da eta hedabide horren moda gala
dela eta, hainbat egoerari tira egiteko aukeraz baliatzen dira.
Ander Lipus komerianteak Josu Lartategik idatzitako Ardoaz taularatuko
du. Antzerkiola Imaginarioan sortutako bakarrizketan emagaldu batekin
maitemintzen den deprabatuaren istorio krudela azaltzen da. Ignatius
ardoaren apologia egitera dator, baina sentimenduak arrapaladan
etorriko zaizkio behin eta berriro.
Donostiara gerturatuko da Psicosis Gonsáles argentinarra
100% Cabaret lana taularatzeko. Diva Gorriak –kolore horrekin
jantzita agertzen baita– ikuslegoaren zirikak ditu gogoko berak,
bitartean, publikoa bere hitzen eta gorputzaren mugimenduaz berotzen
ahalegintzen dela.
Fanniplatz taldea Idoia Oteizarekin batera osatzen duen Urko Menaia,
bakarkako lana erakutsiko du oraingoan. Menaiak Tangoa deituriko
emanaldian tango argentinarra dastatzeko aukera eskaintzen du, musikariak
berak euskaraz konposatutako zenbait abesti entzuteko aukera eskainiz.
Magia, musika eta dantza
Jaiotzaz iparramerikarra den Donald Lehn aktore eta bufoiak Malo,
El malísimo lana jarriko du ikusgai, non gizonezko eskasaren
lorpen handiena mundu eroan bizik irautea den. Eszenariora igotzen
diren aktore guztiak ospea bereganatzeko asmoa badute, berak ihes
egiteko zuloa egiteari ekiten dio. Dramatxoa burutzeko, magia, malabarrak
edo bapatean otu egiten zaionarekin baliatzen da.
Manuel Sanjuanek Hollywood edo Las Vegasen ospatzen diren jai izugarrietara
eramango ditu ikusleak Sinatra’s Friends antzezlanarekin. Genne
Kelly, Dean Martin, Fred Astaire, Sammy Davis Jr., Elvis Presley
eta beste zenbait izarren kantu eta dantza ospatzuak gogoraraziko
ditu.
Ondo esan beharko ikuskizunean Ramón Agirre aktorea eta Joserra
Senperena musikariak bluesa, kopla zaharrak, pasadizo sasibiografikoak,
rokanrola eta katxondeoa nahasten dituzte.
Mamá, quiero ser autista du izenburu Daniel Higiénico
kantautorearen azken ikuskizunak, non ohiko bizitzan eta ikuskarien
arloan bildutako esperientzia propioekin osatutako fartsa eskaintzen
duen.
Trío de bolsillo
La Casa de Cultura Barrena de Ordizia acogerá este mes el
programa Poltsikoko ikuskizunak, que incluye tres espectáculos
de pequeño formato. Una pareja ideal de Esther Esparza abrirá
las actuaciones el día 24, mientras que al día siguiente
Iñaki Salvador pondrá en escena Piano bakarra. El
ciclo concluirá el 31 con Entre actrices de la compañía
Menage a trois.
MAITZAK
9-26 MAYO
BEGIRATU AGENDA
|
