|
|
 usika |
Klasikoak
nonahi izango dira entzungai
 Doinu
klasikoak gogoko dituen zaletuak hainbat aukera izango ditu maiatzan
zehar lehen mailako bakarlari zein taldeekin gozatzeko, Euskal Herriko
lau muturretan ekitaldik iragartzen baitira. Horren eredu dira Basauriko
San Migel Elizan burutuko den Udaberriko IV. Kontzertuak ekimena,
edo Donostiako Kursaalen burutuko den ekitaldi sorta.
Lau agerraldi izango dira Basaurin eskainiko den ekimenean, hileko
lau astearteetan alegia. Lehenengokoan Espaniako Gazte Orkestra
Nazionalean elkarlanean izan odoren Arché Hari Laukotea sortu
zuten Marc Oliu, Patxi Azurmendi, Isabel Aragón eta Joan
Antoni Pich izango dira eszenarioan, Mozarten Kuartetoa Re Minorrean
K421 eta Beethovenen Kurtetoa Op.59 Fa Maiorrean obrak eskaintzeko.
Bigarrenean Uruguayko Humberto Quagliata pianojolearen saioa izango
da Falla, Mompou, De Pablo, Marco, Stefani eta Balboaren piezak
eskaintzeko eta azken aurrekoan Marta González de Ubieta
sopranoa, José Ferrero tenorra eta Rubén González
Agirre painojolearen kontzertu lirikoa izango da Bizet, Puccini,
Verdi, Solozabal eta Guridiren El Caserio zarzuelako zenbait pasarte
eskaintzeko. Azken saioan Galdakaoko Los Tonos Humanos ganbara abesbatza
eta Concert Les Âges ganbara orkestrak Joseph Cassanéa
de Mondevilleren De Profundis Clamavi eta Henry Purcellen Come Ye
Sons of Art eskainiko dituzte Belen Madariagaren zuzendaritzapean.
Errenazimenduko lanak
Donostiako Cultura Musical erakundeak hiru saio antolatu ditu maiatzarako
eta lehenengoan, 12an, Frans Brügenek zuzentzen duen XVIII.
Mendeko Orkestra eta Nederlands Kamerkoor taldea izango dira Joseph
Martin Krausen Hiletako Sinfonia Do Minorrean eta Mozarten Maurerische
Trauermusik KV 477, Adagio KV 411 eta Requiem KV 626 lanak entzutera
emateko. 21ean Takacs laukotea eta Alexander Madzar pianojolearen
txanda izango da, Haydn, Dohnanyi eta Smetanaren lanak eskaintzeko
eta 24rako Krystian Zimerman, Polonian jaiotako pianojole ospetsuaren
saioa iragartzen da.
Zazpi ahots misto eta aspaldiko musika tresnekin sortutako musika
zaharra ere entzungai izango da Donostian, kasu honetan San Bizente
elizan 17an, Albada taldearen saioa Errenazimendu garaiko doinuekin
burutuko baita.
Karl Orff konposagileak sortutako Carmina Buranaren doinu ezagunak
izango dira entzungai maiatzaren lehen egunean Euskalduna Jauregian,
Bielorrusiako Orkestra Filarmonikoa eta Abesbatzak esakiniko duten
ekitaldian.
Lasartate-Oriako Manuel Lekuonako auditorian bestalde, Euskadiko
Orkestra Sinfonikoko zenbait partaidek osatutako Iizturi taldea
izango da maiatzaren 17an.
BEGIRATU AGENDA
|
