|
|
 usika |
Txistua
eta enkarguko lana orkestrekin
Txistuaren
doinuak orkestrarenarekin elkartuko dira maiatzean Euskadiko Orkestra
Sinfonikoak eskainiko dituen saioetan. Cristian Mandealen zuzendaritzapean
Hego Euskal Herriko lau hiruburuetan eskainiko dituen saioetan Jose
Inazio Ansorena izango da bakarlari Tomás Aragüések
sortutako Kontzertua txistu eta Orkestrako lana eskaintzeko. Ekitaldia
Maurice Ravelen Pavana Zendutako Infantarentzat eta Enescuren Sinfonia
1 zenbakikoa. Orkestrako haize taldeak bi saio eskainiko ditu Gasteiz
eta Bilbon, non Douglas Boyden zuzendaritzapean Mozarten Serenade
10 zenbakiduna, Gran partita eskainiko den besteak beste. Ohiko
egitarautik at, beste saio bat eskainiko du orkestrak Lasarten 15ean.
Eslavaren estreinaldia
 2001-2002
abonu denboraldiko azkenaurreko saioa aukeratu du Pablo Sarasate
Orkestrak Juan José Eslava konposagilearen Cantos Quebrados
lanaren estreinaldia gauzatzeko. Musikariari eskatutako lan berria
23 eta 24an izango da entzungai eta saioa Haynd eta Beethovenen
lanekin osatuko da Ernest Martínez-Izquierdoren zuzendaritzapean.
Ekitaldian Gary Hoffman biolontxelojolea, Marko Rizzi bibolinjolea
eta Philippe Bianconi pianojolea izango dira bakarlari lanetan.
Lau egitarau desberdin iragartzen ditu Bilbao Orkestra Sinfonikoak
maiatzerako. 9 eta 10ean Mahlerren Sinfonia 3 zenbaikoa Re Minorrean
eskainiko da J. Semkoven zuzendaritzapean, Feliciy Palmer kontraltoa
eta Bilboko Elkarteko koraleko emakume eta haurren abesbatzarekin
batera. Juanjo Mena eta Leonel Morales pianojolea izango dira zuzendari
eta bakarlari 16 eta 17ko kontzertuetan, non Luwtoslawsky, Bartok
eta Brahmsen lanak eskainiko diren.
Petri Sakari izango da orkestra bizkaitarraren aurrean 23 eta 24an,
Sibelius, Shostakovich eta Francken lanak eskaintzeko, Gustav Rivinus
biolontxelojolea bakalaria ere izango delarik. Maiatzako azken bi
egunetan Ari Rasilainen eta Yung Wook Yoo izango dira zuzendari
eta pianojole bakarlariak, Rautavaara, Brahms eta Grieg Peeren lanak
jotzeko.
Bielorrusiatik Bilbora
Baiona Euskal Kostaldeko Orkestrak agerraldi bakarra izango du maiatzaren
18an, kontzertuan Marco Parisotto zuzendaria izango delarik. Brahmsen
Kontzertu bikoitza bibolin eta biolontxelorako eta Dvoráken
Sinfonia Mundu Berrikoa lanekin osatuko den ekitaldian Roland Daugareil
bibolinjolea eta Eric Picard biolontxelojolea bakarlari lanetan
ariko dira.
Bielorrusiako Orkestra Filarmonikoa eta Abesbatza, bestalde, Bilbora
gerturatuko da maitzaren lehen egunean eta Euskalduna Jauregian
eskainiko duen kontzertuan Carl Orffek konposatutako Carmina Burana
lana emango du entzutera.
|
