|
|
 abal
gunea |
ona
Abierta
|
Errealitate
koloretsua
 Alfonso
Gortazar margolariak azken hiru urteetan egindako lanak batu ditu
Eibarko Portalea Kultur Etxean maiatzaren 12ra arte zabalik egongo
den erakusketan, non margo gehienak ikuslegoari lehenengo aldiz
zabaltzen zaion.
Gortazarrek ez du gogoko sortzen dituen obrei buruzko azalpen txikienik
egitea. Berak dioenez “ez zait berbarik bururatzen kuadroek
diotena adierazteko, nahiago dut jendeak margo bakoitzean ikusi
nahi duena ikustea”.
Kolore bizitasuna
Ondorioz esan daiteke begibistakoa dela margoen kolore bizitasuna,
gorria eta berdea nabarmenenak izanik, giro lasai eta freskagarria
birsortzea lortuz.
Margoak artistaren ingurugiroaren isla dira, bertan deskribatzen
den errealitatea, margolariaren estudioa, mihiseak, etxe batean
aurki daitezkeen aulki bat bezalako ohiko elementuak ditugu, ikuspuntu
eta planu ezberdinen jokuan murgilduz.
 Euskarri
gisa mihisea erabiliz olioz eginak daude kuadro gehientsuenak, bakan
batzuk kenduta, azken hauetan aurreneko geruzak ematerakoan pintura
akrilikoa erabili du ehundura finago bat lortzeko asmoz.
Ikasle garaitik jada hainbat erakusketa egin ditu Estatuko toki
ezberdinetan, bakarka zein taldean, besteak beste, Bilbo, Donostia,
Madril, Valencia, Lleida, Logroño, Santander, Durango, Basauri,
Ondarroa eta atzerriko zenbait tokitan ere. Bere ibilbide artistikoan
Alfonso Gortazarrek Bilboko kaleetan zehar sakabanatuta egon diren
behi eskultura hoietako bat margotzeko aukera izan du.
Mostra anitz
 Egun
bere lanak zenbait museo garrantzitsutan ikusgai daude Bilboko Arte
Ederren Museoan eta Gasteizko Artiumean esaterako. Gipuzkoako Foru
Aldundiak, Bizkaikoak eta Nafarroako Principe de Viana Fundazioak
ere badauzka bere lanak. Bilboko Juztizia Jauregian eta Bizkaiko
Batzar Nagusien egoitzan ere bere obrak daude. BBVA eta La Caixa
dira Gortazarren lanak dauzkaten banku-erakunde batzuk ere.
Margolari honek Bilboko Arte Ederren Eskolan ikasi zuen 1973tik
1978ra bitartean baina lizentziatura handik zazpi urtetara eskuratu
zuen. Tailer partikularretan pintura irakatsi ondoren, 1987az geroztik
Arte Ederren Fakultatean irakasle da eta ordutik Kolor 2 eta Pintura
eta figurazioa ikasgaien maisua da.
APIRILAK
26 MAIATZAK 12
PORTALEA /Bista Eder, 10-EIBAR
|
