|
|
 usika |
Doinu
berritzaileen topagunea
 Musika
eta zinema uztartuko ditu berriro ere Beran izango den Nazioarteko
Musika eta Arte Esperimentalen Ertz 2002 Jaialdiak, non artista
euskaldunak eta nazioartekoak tartekatuko diren euren lan berritzaileenak
aurkezteko asmoarekin. Ertz Arte Guneak eta Berako Kultur Batzordeak
eratutako ekimena ekainaren 6tik 9ra bitartean gauzatuko da.
Bideo aukeraketa esperimentalarekin hasiko dira ekitaldiak 6an eta
hurrengo egunean iaz ere izan ziren Alejandra & Aeron bikoteak
irekiko ditu zuzeneko musika saioak beraiek sortzen duten doinu
elektroniko eta folk nahasketarekin. Jarraian Alemaniatik etorritako
A.F.R.I. Studios eta Tom Steinlek eskaintza minimalista baina aldi
berean atsegina eta argitaratu dituen doinu goxoen aukeraketa eskainiko
dituzte, hurrenez hurren. Eguneko ekitaldiak bukatzeko Bartzelonako
Alku bikotea eta Gipuzkoako Tzesnek arituko dira. Lehenengoak ordenagailuak,
softwarea, Murphyren legeak eta tartean gerta daiteken guztia nahasten
dute eta bigarrenak musika industriala, errepikakorra baina barrura
iristen dena eskainiko dute.
Ekainak 8ko ekitaldiak, jazza, inprobisazioa eta azken urteetan
eloktronika eta gitarra jorratu dituen Oren Ambrachi australiarrak
irekiko baditu, euskal folkloreari norabide propioa eman dion Alex
Mendizabalek emango dio jarraipena. Ikuspegi berri eta sakonak jorratzen
dituen Akauzazte azkoitiarren saioaren ondotik Mattinena eta bere
saioak eskuz egindako instrumentuetan oinarritzen duen Bassifondi
Orchestra, Chris Blazen italiarra alegia, gerturatuko da. Mr. Natural
(John Sharp) alemaniarrak landareak, harriak egurrak eta beste zenbait
gauzekin doinuak sortzen dituen musikari alemaniarrak egunari bukaera
emango dio.
Azken eguneko ekitaldietan Curva Chiusako italiarren ekitaldia nagusituko
bada ere, Bizkaia, London eta Norvegia arteko zubia egiten duten
Ixi Softwarekoek edo Amanitarecords Jukebox kolektiboak ere izango
dira azken saioetan.
|
