|
|
 usika |
Erritmo
desberdinen paradisua
 Mundu
osotik etorritako eta musika joera desberdinak lantzen dituzten
30 talde bilduko dira Herrien Europa, mondializazio liberalaren
aurka lelopean Arrosa herrian izango den Euskal Herria Zuzenean
jaialdiaren VII. ekimenean. Hip-hop, reggae, trikitixa, punk, folk,
hardcore, pop, Djen agerraldiak edo doinu latinoak bata bestearen
jarraian izango dira Behenafarroako herrian gauzatuko den jaialdian.
Eszenario gainean izango diren taldeen kontzertuetaz gain, kale
ikuskizunekin osatuko da egitaraua, hiru egunetan zehar trikitilariak,
gaiteroak, txarangak, haurrentzako animazioa eta sorpresa ugari
iragartzen baitira.
Lehen egunean izango diren taldeen artean aipagarria da Amparo Sánchez,
goitizenez Amparanoiak, eskainiko duen ekitaldia non aspaldiako
doinu latinoak eta Somos viento azken diskoan tartekatutako kantak
eskainiko dituen. PiLT bizkaitarrak ere disko berriarekin azalduko
dira kontzertuan, kaleratu berri duten Minusekin agertuko baitira
Arrosan. Selektah Kolektiboa eta beraiek argitaratutako Esperientzien
Etorbidetik azken diskoko hip-hop erritmoak ere entzungai izango
dira jaialdiaren lehen egunean.
Kuraia eta Mahamudra taldeek izenburu bera duen lehen diskoan tartekatutako
punk rock doinuak eta zpeiz funk erritmoak eskainiko dituzte, hurrenez
hurren. Reggae doinuak lantzen dituen K2Rriddim taldea, 80.eko pop
doinuak nahasten dituen Piarres eta hip-hop eta skratxak egiten
diteun Dj Magidekin osatuko da lehen saioa.
Reggaea nagusi
Reggae erritmoak nagusituko dira bigarren egunean, ekitaldiko egitarauan
Jamaikatik gerturatutako Max Romeoren saioaz gain, Root’system
eta Sonoma talde euskaldunak izango baitira oholtzan. Ahotsekin
soilik sortutako kantuak eskainiko dituzte Korsikako Canta U Popolu
Corsu eta Aire Ahizpak bikote euskaldunak eta Txatunga Benbekoek
erritmo afrikarrak landuko dituzte. Joera ezberdinetako rocka Kaliforniako
Victims Family eta Bad F-line, Les hurlements d’Léo
eta Eraso! talde euskaldunek landuko dituzten bitartean jazz funka
Okaberen eskutik izango da entzungai. Eguneko egitaraua Anje Duhaldek
eskainiko dituen folk doinuekin eta Dj Jack Freddyren agerraldiekin
burutuko da.
Bordeletik Arrosara gerturatuko den Noir Désir taldearen
rock doinuak nagusituko dira 30ean eta talde horrek iazko irailaren
11n argitaratu zuen Des visages, Des figures diskoko kantuak tartekatuko
ditu. Danyèl Warok Reunion uharteko folklorea eskainiko badu,
trikitixaren erritmoak Tapia, Letura eta Patxik jorratuko dituzte
eta folkean oinarritutako baina rock joera duten doinuak Xabaltxen
eskutik entzungai izango dira. Marcel & son orchestren agerraldian
joera anitzetako erritmoak azalduko badira dub, jungle eta doinu
elektronikoetan oinarritutako saioa eskainiko du Le peuple de l’herbek.
Ahotsak bakarrik erabilita musika sortzen duen Unamak eta beraien
burua antitxarangatzat duten Elektrotuna taldeen saioekin osatuko
da aurtengo jaialdia.
EKAINAK
28, 29, 30 JUNIO
ARROSA
|
