|
|
 usika |
Uda
girotzen hasteko doinuak
 XIV.
ekitaldia beteko du ekainaren 7, 8 eta 9an burutuko den Getxoko
Nazioarteko Blues Jaialdiak eta azken urtetan ohikoa denez lau talde
izango dira Erromoko Santa Eugenia plazan. Europan sortutako doinuak
lehen egunean entzungai izango dira, Los Fastuosos de la Ribera
eta Albie Donnelly’s Supercharge taldeekin alegia, New Yorketik
datorren Popa Chubby Bandek parte hartuko du azken aurreko agerraldian
eta bukaera, iaz W.C. Handy saria eskuratu zuen Shemekia Copeland
& Her Blues Bandek emango dio. Getxo&Blues ekimena Dixiekleta
Jazz Bandek egunero eskainiko dituen kale ekitaldiekin osatuko da.
Erresuma Batuan sortu zen Albie Donnelly’s Supercharge taldea
izango da eszenario gainera igoko den lehen talde indartsua, ekitaldia
Los fastuosos de la Ribera taldearekin hasiko bada ere. Donnelly
kantaria eta saxojoleak burutzen duen talde erraldoiak blues doinuak
jorratzeaz gain, blues-soul, swamp eta, tarteka, swing erritmoak
eskaintzen dizkio entzulegoari.
1974an Liverpoolen sortatutako taldeak berrikuntzak eta blues doinuak
jorratzen zituen bakarrenetarikoa zen. Between Music And Madness
lehen diskoarekin izugarrizko arrakasta lortu zuten Australian eta
100.000 ikusleren aurrean jo zuten Hyde Parkean Queen taldearen
saioa hasi aurretik. Taldeak 90. hamarkadan jo zuen goia, Chuck
Berry & B.B. Kingek Europako aretoean eskainitako kontzertutan
parte hartzeko aukera izan ondoren.
Banda erraldoia
Rhythm & Blues indartsua lantzen duen taldeak 14 disko argitaratu
ditu dagoeneko, azkena iaz ateratako Live & Loaded lan bikoitza.
Albin Donnellyk lau disko kaleratu ditu bakarlari gisa, azkena 2000
urtean Live in my Trousers izenburuarekin. Taldeburuak sortutako
diskoez gain, beste hainbat lan kaleratu dituzte ere gainontzeko
bandekin.
Albie Donnellyrekin batera, Dick Hanson trompetajolea, Mike Rafalczyk
tromboijolea, harmonikajolea eta kantaria, Uwe Petersen bateriajolea,
Juergen ‘Big Jay’ Wieching saxo baritonoa eta kantaria,
‘Crazy’ George Mahr Hamond organojolea, Wolfgang ‘Bolle’
Diekmann bajujolea eta Dave Shepley gitarrajoleak osatzen dute egun
Supercharge taldea.
Estreinaldiko ekitaldia Los Fastuosos de la Ribera talde bilbotarrarekin
burutuko da. Dozena bete urte musikagintzan eman ondoren blues eta
rock & roll klasikoa zein modernoaz gain, doinu funkiak eta
soul-a ere lantzen dute. Musika joera ezberdinen nahasketa ugariak,
taldeak izan dituen musikari ezberdinen ondorioa da eta iaz argitaratutako
Dioslosjunta estreineko diskoan nabaritzen dira.
Hainbat urte taberna zuloetan jotzen ibili ondoren, bildutako esperientziari
freskotasuna gehitzen dio talde bilbotarrak, beraien bizi-filosofia
gogokoa duten musika egitea besterik ez baita.
De kalejira
La marching band Dixiekleta Jazz Band completará el Festival
con los recitales que ofrecerá por las calles de Getxo a
partir de las 19.30. Los ocho músicos que forman Dixiekleta
interpretan un género que está considerado como el
origen de la música de jazz, estilo New Orleans de los años
20-30, sobre todo a raíz de incluir el swing como tendencia
estilística.
EKAINAK
7 JUNIO (21.30)
SANTA EUGENIA PLAZA - ERROMO-GETXO
|
