|
|
 ntzerkia
|
tetro
|
Doña
Casilda Gran Viarako bidean
 Bilboko
Kalealdiaren azken ediziorako bi programa ezberdin aurreikusi dituzte,
alde batetik “Gran Víako artistak”, uztailaren
2tik 4ra egingo dena, teknika ezberdinetako margolari, erretratugile,
karikaturista eta abarren partaidetzarekin eta Profesor Karoli edota
Txo Títere, musiko eta kale artisten laguntzarekin. Bestalde,
hilaren 8tik 10era bitartean Doña Casildan kokatuko duten
Irudimenezko Parkean pertsonai arraro, animali berezi eta ikusentzunezko
efektu liluragarriz beteriko ikuskizun txundigarriak burutuko dituzte.
Bertan izango dira, besteak beste, Ilotopie, Osadía, Ale
hop, Morboria, Markeliñe edota Inko´nito et Des Quidams
taldeak. Kalealdiko programatik kanpo, uztailaren 20an, Comediants
konpainiak Genios del Fuego ikuskizun piroteknikoa eskeiniko du
Arriaga eta Arenaleko plazan.
Madrilgo Ale hop taldeak, bere errepertorioko bi muntai ikusgarrienetakoak
erakutsiko ditu Kalealdian Irudimenezko Parkearen barne uztailaren
8tik 10era bitartean eta egun batzuk beranduago, hilaren 13an Zarauzko
Kale Antzerki Jaialdian. Aurreneko ekitaldian, Voluminaires jantzi
bitxi eta kolore biziz margoturiko dimentsio ikaragarridun animali
eta gizaki futuristek osotzen dute. Hezitzaile berezi batek kalejiran
aterako ditu pertsonaiek bere trebezia erakutsi eta inguruko guztiak
txunditu ditzaten. Zarautzen aldiz, aipatu berri dugun lanaz gain
L´Sferas muntaia ikusgai egongo da.
Desioaren grina
Alegiazko parkeak Markeliñe talde zornotzarraren bisita izango
du uztailaren 8an, Alo Europa, Kubierno edo Armagedon aurretiko
lanen hildo beretik, ironia, umore, kolore eta argia bezalako elementuak
nagusi diren DSO azken muntaiarekin.
Kontraesanez beterik dagoen desio sentzazioaren inguruan aritzeko
printze urdinaren mitotik abiatu dira, hain zuzen ere sentimentu
hau adierazten duen ohiko pertsonaia izateaz gain jaso ere egiten
duelako.
Bertan kontatzen den istorioa berez gizon emakumeen arteko gatazka
dugu, arazo bat azken finean ez baita beti aldi ezta neurri berean
desiatzen. Bestalde, harreman horren barne sozial kutsuko gogoetak
gurutzatuko dira, esate baterako, norbaitez jabetu edo tratu txarrak
eragitera eramaten duen desioa, matxismoa, desioaren errepresioa
edota mass medien manipulazioa.
Aizearen indarra
Inko´nito et Des Quidams talde frantziarrak munduko lau kontinenteetako
festa eta jaialdi entzutetsuenetan gira biran ibili ondoren, hilaren
9 eta 10ean, itxura bitxiko bost pertsonaien unibertsoa aurkeztuko
dute Bilboko Doña Casilda parkean. Airea izanik inspirazio
iturri nagusia, ustekabeko mugimendu lasai, natural eta geldoak
burutzen dituzte gizaki hauek, ingurura hurreratzen diren guztien
zirrara deituz.
Parkeko ileapaindegia
Look aldaketa arin eta dibertigarri baten premian egonez gero Fafá
Franco eta Alex Rendoren Osadía showak ideia berritzaileak
hartzeko balio dezake. Uztailaren 8tik 10era Doña Casildako
parkean kokatuko duten ileapaindegi honetan errealitateak bat egingo
du magiarekin bertatik pasatzen diren ausartenei ilea apainduz eta
inguruko guztiak liluratuz.
BEGIRATU
AGENDA
|
