|
|
 ntzerkia
|
tetro
|
Ustekabeko
agerpenak
 Estatu
frantziarretik gerturatuko den Naphtaline konpainiak Una soirée
avec Satan (Gau bat Satanekin) lana taularatuko du Lekeitioko Nazioarteko
Kale-Antzerki jaialdian, non mito ezberdinak erabiliz egungo mundua
azaltzeko asmoa agertzen duen. 1988an sortutako taldeak Pierre Puigcerver
du zuzendari artistikoa eta sentsazioz beteriko antzezlana kaleratzen
dute, akrobazia ugari erabiliz, jaigiroan murgiltzeko asmoarekin.
Gau bat Satanekin ikuskizuna sortzeko, itxuran Infernutik datozen
makinak sortu ditu taldeak, beste gizaki batzuk liburuak idatzi
edo lantokira doazen bezala. Saioak hasteko monstruo irudia duen
eraikina abiatzen da ikuslegoarenganantz. Indarra izugarria eta
metaka agertzen den irudimena, gitarrak eta perkusioak sortutako
musika eta doinuekin nahasten dira.
Satanen irudia kale erdian azaltzen da, deabrua erensugearen gainean
doalarik. Munstroak sortzen dituen barre algarak ikaratuta utziko
du ikuslego gazteena, nagusien irria sortzen duen heinean. Deabruak
egiten dituen barreak, entseguetan jorratutakoa bada ere, Pierre
aktoreak bere bizitzan duen berbera da.
Kalejira aurrera doan bitartean, Satan-en aingeruak balkoietan,
inguruko hormetan igota, zakarrontzien gainean edo ibilbidean agertzen
den edozein eraikinaz baliatzen dira akrobaziak egiteko. Amets gaiztoetatik
ateratako gizaki beldurgarrien itxura badute ere, barne samurtasuna
erakusten dute deabruarekin doazen ‘aingerutxuook’.
Satanek sortzen duen diskurtso profetikoa antzezlanean zuziriak
eta malabarrak inguratzen dute. Ez dira ikuskizunaren ustekabe bakarrak,
aktoreak bazter batetik eta bestetik ezustean agertzen baitira.
UZTAILAK
12 JULIO (23.00)
LEKEITIO
|
