|
|
 usika |
Bertako
eta munduko doinuak
 Doinu
klasikoez gain bestelako zenbait musika ekitaldi eskainiko ditu
Bizkaiko zenbat herritan izango den Udako Jaialdiak ekimenak. Kepa
Junkera edo Oskorri taldearen euskal folk doinuek, world music deritzon
joerarekin tartekatuko dira herri ezberdinetako egitarauetan.
Elorrion izango diren agerraldien artean Sudango Wafir musikariaren
ekitaldia izango da uztailaren 6an eta eskusoinua, bibolina eta
lautea jotzen dituen musikariak Nilo Azul egitasmoa aurkeztuko du.
Christian Howes bibolinjole estatubatuarrak pianoa eta kontrabajuaren
laguntzarekin eskainiko duen saioa nabarmenduko da uztailaren 12an
eta hurrengo egunenan Luis Delgado musikariak burutzen duen taldeak
Tres danzas, tres músicas, tres culturas egitasmoa taularatuko
du.
Joera ezberdinetako doinuak tartekatuko dira Gernikan izango diren
ekitaldietan, uztailaren 6an Karidadeko Benta egitasmoa nagusituko
baita non Jon Maia eta Aran Santamaríaren ahotsez gain Imanol
Manterola de J.L. Blancoren perkusioa eta Inazio Tolosaren haize
instrumentoak nahastuko diren. Swing, dixie eta New Orleanseko doinauk
landuko ditu McJearas Bandek 21ean eta bezperan Mexikoko eritmoak
landuko ditu Los Pérez de Nochistlán mariachia taldeak.
Kepa Junkera trikitilari bilbotarra bere taldekideekin gerturatuko
da Bakioko probalekura uztailaren 16an disko arrakastatsua bilakatu
den Maren lana jendearenganatzeko.
Gauchos 4 eta Víctor de Diego Group taldeak kantu leunak
eta jazz doinuak eskainiko dituzte abuztuaren 1ean eta 2an Plentzian
eta blues erritmoak Soul Fingers taldea Bermeon izango da abuztuaren
10ean.
Oskorrikoak Gorlizera gerturatuko dira uztailaren 21ean Vizcayatik
Bizkaiara diskoa aurkezteko asmoarekin.
|
