|
|
 usika |
Etorkizuneko
musikariak
 Getxoko
Jazz Jaialdian izango den III. Milurtekoa ekimena Bihotz Alai plazan
burutuko da, non jazzaren doinuetan murgildu berriak eta etorkizun
oparoa izan dezaketen talde gazteek ariko diren. Ekitaldiak arratsaldeko
zazpi eta erdietan hasiko dira eta lehenengo agerraldian jatorri
ezberdineko musikariez osatutako Zur-E Gura taldearen saioa izango
da. Tronpetak, zeharkako txirula, darbuka, gitarra elektrikoa edo
didgeridoo-a musika tresnak erabiltzen badituzte, txalaparta erdigune
dute eta antzinako euskal soinuetatik abiatzen dira taldekideak
jazzera, Indiako musikara, abangoardiako popera eta bestelako erritmoetara
heltzeko.
Estilo beretsua duen Lliberty Fortuny Trio 4an igoko da eszenariora,
non Kataluniatik gerturatutako taldeak indarra eta musika tresnen
arteko solasaldietan oinarritzen dituen, hirurak bikain ulertzen
baitira.
Frantziako Spice ‘Bones taldearen ekitaldi bitxia izango da
5ean, taldean ezohiko bada ere, lau tronboijole aritzen baitira
elkarlanean eta beraiekin, gitarra, bajua eta bateria.
Hungariako Cumo Trio 2000 urtean sortu zen eta iaz Alemaniako Jazz
Under Donau eta Belgikako Jazz Hoeilaart International Contest lehiaketak
irabazi zituen. Beraien lehen diskoak Cumo: My Time izenburua du.
Azken saioan bederatzi musikariz osatutako Cotton Club euskaldunak
ariko dira. Talde bizkaitarrak jazzaren lehen hamarkadetako doinuak
ditu gustoko eta New Orleanseko joera gardenatik abiatzen bada,
standarrak zein Broadwayen 30. hamarkadan sortutakoak edo swinga
sortu zen garaikoak lantzen ditu.
Jaialdiak irauten dituen bost egunetan swing, rythm & blues
eta dixie doinu alaiak sakabanatuko dira Getxo hirigunean, New Orleansetik
gerturatutako St. Gabriel’s Celestial Brass Band taldea kalez
kale izango baita.
|
