|
|
 usika |
Ikastaroetan
landutakoa erakusgai
 Uztailaren
31n hasi eta abuztuaren 12a bitartean 2002ko Nazioarteko Musika
Jaialdia burutuko da Zumaian, non ikastaroak eta mintegiak bertan
izango diren ikasle eta irakasleen kontzertuekin burutuko diren.
Nazioarteko Jaialdian izango diren ikastaroen arduradunek funtsezko
garrantzia emango diote Ganbara Musikari eta horren inguruan bibolin,
biola, biolontxelo, piano, klarinete, oboe, fagot eta metalezko
musika tresnen ikastaro bereziak prestatu dituzte. Ikastaro honetan
jada osatutako taldeek zein ikastaroaren barne sortutakoek parte
hartu ahal izango dute eta irakasleek ikastaroan parte hartzen duen
edozein ikasle hautatu ahal izango dute horietako talde bat edo
gehiagotan parte hartzeko.
Gaueko kontzertuak
Zumaiako Jaialdiaren programan ere izango da ikastaroetako ekintzetako
lekutxoa eta ikasle onenek ikastaroko irakasleekin kontzertua emateko
aukera izango dute. Horretaz gain, ikastaroko jarduerak amaitzen
direnean ganbara musikako lehiaketa antolatuko da eta talde irabazle
onenek Jaialdiko gaueko kontzertuetako bat emango dute. Ikastaroetan
parte hartzen duten guztien artean ikasle onenak aukeratuko dira
Manel Valdivieso maisuak zuzenduko duen orkestrako partaide izateko.
Ikastaroetan izango diren irakasleen zerrenda lehen mailako bakarlari
eta taldeekin osatu dute, bibolin mintegiaren irakaslea Erromako
Corrado Bolsi izango baita, biolakoan Paul Cortese estatubatuarra,
biolontxelokoa Sandro Meo italiarra eta bere erkidea den Ricardo
Cencchettik pianokoa emango du. Musikari valentziarrek osatuko dute
irakasleen zerrenda, José Luis Estellések oboe eta
klarineteko ikastaroak emango baititu, fagotekoa Enrique Abarguesek
eta Spanish Brass Luur Metallsekoek metalezkoa.
Jaialdiaren barne hainbat lehiaketa izango dira tarteko Nazioarteko
Ganbara Taldeentzat eratutakoa, zeinek epaimahaiak emandako 780
euroko saria eta ikuslegoak emango duen 180 euroko sariak banatuko
dituen.
Jaialdiko orkestra
Lehiaketako partaide guztiak ikastaroetan izango diren Ganbara Taldeetakoak
izan beharko dira eta aldez aurretik osatuak edo ikastaroan bertan
sortu daitzeke. Epaimahaiak eta ikuslegoaren sariek ez dute elkarren
artean zerikusirik eta ondorioz talde desberdinei emanak izan daitezke.
Jaialdiko orkestra osatzeko aukeratuak izango diren musikariek 80
euroko beka eskuratuko dute eta talde horren entsaioak azken egunetan
izango dira, ikasketen egitarauan garai guztietako ganbara musika
lanak jorratuko dituztelarik, barrokotik hasi eta XX. menderarte.
Valdiviesok zuzenduko duen orkestrak eskainiko duen kontzertu horrek
Zumaiako Nazioarteko Musika Jaialdia itxiko du.
Bartzelonan 1967an jaiotako Valdivieso orkestra zuzendari gaztea
Estatu espainiarreko orkestra onenetan aritzen da errepertorio sinfoniko
eta sinfoniko-koral garrantzitsuenak eta ganbara-operak zuzenduz.
{lugaryfecha}
|
