|
|
 usika |
Joera
ugari biltzen dituen ekimena
 Bergarako
Udalak lau musika saio antolatu ditu uztaileko gauetarako, non jazz
doinuak gogoko dituzten zaletuek gozatzeko aukera izango duten.
Saio guztiak gaueko hamar eta erdietan hasiko dira Espaloian eta
lehenengoan, 5ean, Delicatessen talde gaztea izango da, 12an Malcom
Scarpa & The Hokum Ladies, 20an Mario Fernandino Sextet eta
Sir Aligator’s Company taldeak 26an emango duen kontzertuarekin
agerraldiak bukatuko dira.
Musika ekitaldiak irekiko dituen Delicatessen taldea iazko irailean
sortu zen, nahiz eta partaide guztiak urte dexente daramatzaten
beste talde batzuan jotzen. Laukotea Oscar Losada bateriajoleak,
Oscar González gitarrajoleak, Juanjo Gil bajujoleak eta Jesús
Álvarez saxojoleak osatzen dute eta taldekideek erakutsi
duten musika zaletasunari, antzeztutako saioak egiteko irrika ere
erakusten dute.
Delicatessenek konposizio propioekin osatutako erreperotorioa lantzeaz
gain, pare bat bertsio edo adaptazio tartekatzen ditu eta joera
aldetik estilo desberdinetakoak eskaintzen dituzte, taldekideen
asmo nagusia fusioa jorratzea baita, nahiz eta jazz, rock, funk,
latin edo flamenkoaren oinarrizko doinu bakoitzaren esentzia errespetatzen
saiatzen diren.
 Musika
estilo ezberdinak jorratzen dituzte Malcom Scarpan konposatzaile
eta interprete madrildarrak eta berarekin izango diren The Hokum
Ladies. Sarritan eszenarioetan Ñaco Goñirekin izan
den gitarrajole eta kantari ospetsuak Agustín González
harmonika eta saxojolea, Santi Ibarretxe saxojolea, Javi Moreno
kontrabajujolea eta Borja Barrueta bateriajolea teldekide izango
ditu.
Boskote burua den Scarpak country, blues, pop eta antzerako joerak
jorratzen ditu, baina Andaluzian, Madrilen zein Euskal Herrian grabatu
dituen disko guztien oinarrian jazzarekiko joerak nabaritzen dira.
Hala ere, ragtime eta 20. hamarkadatik 50.eraino landu ziren joerak
ditu gogoko eta doinu horren inguruan osatu du The Hokum Ladies
taldea. Jazzaz gain beste motatako musika akustikoa egiten du Malcolmek
bere taldearekin, iturri askotatik edaten baitu eta bere kanta propioak
tradizionalekin uzartezen ditu, batzutan alaiak, besteetan intimoak,
baina pertsonalak beti.
Mario Fernandino Sextet taldearen saioa iragartzen da 20rako, non
Iñaki Askunzerekin sarritan izan den Mario Fernandino izango
den taldeburu.
Azken saioan, 26an hain zuzen, The Sir Aligator´s Company
igoko da Espaloiako eszenatokira. Bateriaz, bi tuba eta lau tronboiez
osatutako taldea soul, pop eta rock doinuetan murgiltzen da, Michael
Jackson, Tom Jones, James Brown, Henri Macini, Nino Bravo, Fred
Mercury, Joe Cocker, Elton John, Nino Rota, Frank Sinatra, Ennio
Morricone, The Mammas & The Papas, Lester Bowie eta beste musikari
ugariren doinuak lantzen baititu.
Kontsebatorioko zazpi irakasleek osatzen dute taldea eta Sir Aligator’s-ek
musika zein musika tresnak jendeari ezagutarazteko ahaleginetan
egiten du lan. Horren eredua da haurrentzako sortutako Tuve tuba
por un tubo ipuina, zein Alacanteko Nazioarteko Musika Garaikidearen
XIV. jaialdian estreinatu zen. Taldeak Elies Hernandisen Croco,
un aligator en New York operaren egitasmoa ere landu du.
UZTILAK
5, 12, 20, 26 JULIO (22.30)
ESPALOIA - BERGARA
|
