|
|
 usika |
Zaletuak
asetzeko lain ekitaldi
 Uztailaren
24tik 29ra bitartean ospatuko den Donostiako Jazzaldiaren 37. ekitaldiak,
aurreko edizioetan bezala, jazzaren munduan gaur egun zein historian
zehar eragin erabakiorra duten musikariak izango dira. Aurten izango
direnen artean aipatzekoak dira James Brown, Chick Corea, Bill Wyman,
Abdullah Ibra-him, Elvin Jones, Charles Lloyd, Maceo Parker, Dave
Douglas, Uri Caine, Richard Bona, David Murray edo Bugge Wesseltoft.
Jaialdiak irauten dituen sei egunetan espainiar jazz musikari garrantzizkoenen
ordezkaritza zabalarekin gozatzeko aukera ere izango dute Donostiara
gerturatzen diren zaletuek.
Donostiako Jazzaldiak eszenatoki ezberdientara igoko diren musikarien
kalitatea eta agertokien berrikuntzak aurkeztuko ditu 37. edizioan.
Lehen mailako musikariek iragartzeaz gain, azken urteotan ohiko
bilakatu diren eszenatokiei, Trinitate enparantza, Kursaaleko terrazak
eta Altxerri kluba alegia, Zurriolako hondartzan kokatuko den Agertoki
Berdea deituriko beste berri bat gehituko zaie.
Trinitate enparantzako agertokian izango dira saio nagusiak eta
bertara gerturatuko den izar distiratsuena James Brown izango da.
Soul doinuen ‘Aitabitxi’ izendatu duten musikariak bukaera
emango dio aurtengo ekitaldiari. Musika beltzaren mitoak indar betean
jarraitzen du eta Sex Machinerekin aro osoa markatu bazuen direla
berrogei urte, funkaren errege ukaezina izaten jarraitzen du.
Pianoarekin bakarrik
James Brownek 29an eskainiko duen saioa Larry Goldings Triorekin
abiatuko da. Goldings organujoleak Peter Bernstein gitarrajolea
eta Bill Stewart bateriajolea izango ditu alboan eta hamar urteko
ibilbidea burutu ondoren mota horretako talde iraunkorrena eta John
Scofield gitarrajolearen esanetan hoberena da.
Ekitaldi itxurosoarekin abiatuko dira Trinitateko agerraldiak, 25ean
izango den lehenengoan Chick Corea eta Nuevos Medios zigiluaren
hogeigarren urteurrena ospatzeko prestatutako saioa iragartzen baitituzte.
Agerraldi berezei samarra eskainiko du Chick Coreak pianoarekin
bakarlanean ariko baita eszenarioan. 1998ko Donostiako Jazzaldiaren
Saria eskuratu zuen musikariak, pianoarekin sortzen dituen doinu
liluragarriekin gozatzeko aukera eskainiko du eta ondoren Nuevos
Medios disketxearen urteurrena ospatzeko izango diren musikariekin
ere eszenarioan izango da. Ekitaldiari jarraipena emango dion saioan
Jorge Pardo (saxoa), Carles Benavent (bajua), Tino Di Geraldo (bateria),
Diego Amador (kantaria, pianoa eta gitarra), Diego Carrasco (kantaria
eta gitarra), Diego Moraito (gitarra), Lucía Montoya eta
Bosito (kantariak), Juan Grande eta Luis Carrasco (perkusioa) musikariek
jazza eta flamenkoan egindako uztarketa eskainiko dute.
Dantzarako irrikiak
Bill Wyman Rhythm Kings eta Maceo Parker izango dira 26ko izar nagusiak.
Rolling Stones taldeko sortaileetariko bajujolea betidanik izan
da blueszale handia ete bere inguruan bildu ditu britaniar blueslari
garrantzizkoenak, tarteko Van Morrisonen ohiko pianojolea den Georgie
Fame eta Albert Lee gitarrajolea. Ekitaldia Maceo Parkerrek osatuko
du, non musikariak saxofoia jotzeko duen era iraultzaileak funkaren
personifikazio berbera bilakarazi duela erakutsiko duen. Parkerrek
eszenariora irtetzerakoan eztanda egiten du eta dantzarako irrikiak
eta dibertsioa ziurtatzen ditu.
Charles Lloyd Quartet eta Elvin Jones igoko dira 27an Trinitate
enparantzako eszenariora. Lloyd Coltraneren ondoren saxojole hoberenetakoa
da eta musika tresnari lirismo berezia ateratzen dakiena. Bera izan
zen gainera disko baten milioi bat kopiatik gora saldu zituen jazzeko
lehen musikaria, Forest Flower lanarekin.
Bateria protagonista
 Jones
bateriajoleak A Love Supreme-Tribute to John Coltrane egitasmoa
eskainiko du. Coltraineren eskutik jazzaren bateriaren kontzeptua
errotik aldatu zuen Jonesek, laguntza lan soiletik haratago zihoan
askatasun propia eman baitzion. 1993an Donostian izan zen Jazz Machine
taldearekin eta orain Coltrane maisuari, egunotan betetzen baita
haren heriotzaren 35. urteurrena, sentipen bereziko omenaldia egiten
dio.
Trinitateko ekitaldiak Richard Bonak eta David Murrayren Kubatar
Big Band taldearekin osatuko dira. 28ko ekitaldia Kamerungo bajujolearekin
abiatuko da eta bertan Bonak agerian utziko du musikari egin dion
ekarpen aipagarriena, musika etnikoaren alorreko elementuak jazzera
gehitzea alegia. Goraka doan joera honek zalegoarekin komunikazio
bikaina lortzeko baliogarria izan zaio.
Kubatar Big Bandeko taldeburuak agerian utzi du musika kontuetan
ez duela mugarik ezagutzen, Europa, Afrika eta Hego Ameriketako
musikariekin elkarlanean diharduelako. Taldea sortzeko, Murray Habanako
kaleetatik paseatu zen eta bertan aukeratu zituen hamabost musikari.
Bere ohiko lankide estatubatuarrekin elkartu ondoren, emaitza paregabea
du.
Marka-irudia bilakatu den Jazz Band Ballak hasiera emango die Kursaal
Gunean eta Zurriolako hondartzan kokatuko diren hainbat eszenarioetako
agerraldiei. 24ko saioan jazzaren estilo desberdinetan zeharreko
ibilbidea eskainiko duten zazpi taldek joko dute. Doinu garaikideena
ekarriko dutenen artean aipatzekoa da Dave Douglasek burutzen duen
Tiny Bell Trio edo iparretik datozen Bugge Wesseltoft eta Nils Petter
Molvaer eta Afrikako jazzaren freskura erakusten duen Cool Crooners
of Bulawayo. Swing eranskorraren ordezkariak ere izango dira saio
horretan; esaterako Perico Sambeatek zuzenduko duen ‘Jam Session’
emanaldia, Ipar Amerikako Roosevelt Jazz Band izenekoa edo Wiesbadener
Juristenband alemaniar taldea.
Kursaalen eta Zurriolan
25ean, Gaztejazz egitasmoan soul afroamerikarretik chill out estilora
jauzia egiten duen Llorca; Uri Caineren Bedrock 3 egitasmo funky
eta dantzagarriena; sormenari bideak irekitzen dizkion Brucknahm
Project, Larry Goldings Trio eta Wiesbadener Juristenband protagonitak
izango dira. Dave Douglas, zein 26an New Quinteten taldeburu ere
izango dena, eta Misha Mengelberg Ganbara aretoan arituko dira.
Isaac Turienzo, Mark Ledford Ultíssimo eta Larry Goldings
Trío izango dira 26tik 28ra Kursaalen kanpoaldean eta Zurriolan,
27an Amama Luisa Brass Band eta 28an Mac Jearas Band gehituko zaizkie.
Sentiberatasuna, esperientzia eta sormenaren gailurra erakutsi duen
Abdullah Ibrahim Trio izango da 27an Ganbara aretoan eta pianorekin
bapatekotasunaren maisua den Andrew Hillek burutzen duen hirukoa
izango da 28an. Estatu Batuetan beltzei ireki zitzaien lehen unibertsitatean
sortutako Fisk University Jubilee Singers izango da 29an, non iraganeko
aitzindaritza horri eutsi nahian, abesbatza berritzen joan den historian
zehar.
La guinda de cada jornada
El extenso programa de audiciones diarias tendrá su contrapunto
en las actuaciones que del 25 al 28 se desarrollarán el Club
Altxerri y donde comparecerán las formaciones Isaac Turienzo
Trío, Getbucket y Vibes y con el recital que a la medianoche
del día 27 se desarrollará en el Kursaal, donde Cuardenos
de Jazz presentará al Cuarteto de Adrián Iaies.
|
