|
|
 ntzerkia
|
tetro
|
Barrea
eta umorearen txokoa
 Bilboko
Aste Nagusiko jaietan biran dabiltzan antzelan komertzialak antzokietako
egitarauetan nagusituko badira ere, toki berezia izango dute umore
ekoizpenak Bilborock aretoan, non zaletu gazteak edo barre egiteko
gogoa dutenek gune ezin hobea izango duten La Merced izeneko elizan.
Abuztuaren 17tik 25era bitartean zortzi ikuskizun desberdin taularatuko
dira, tarteko Bucanero taldearen Jánsel y Poncél,
Los Ulen konpainiaren Bar de Lágrimas edo Sexpeareren ¡Qué
pelo más guay! ekoizpenak, besteak beste.
Magia ikuskizunak, formato txikiko eta ekoizpen sendoagoa erakusten
duten antzelanak tartekatuko dira Bilborock aretoko arduradunek
Aste Naguasko jaietarako prestatutako egitarauan. Kafe-antzoki itxurarekin
ekoiztutako Mamá, quiero ser autista lana izango da areto
horretan ikusgai izango den lehena, Daniel Higiénico igoko
baita oholtzara abuztuaren 20an. Mu-sikan murgilduta hainbat urtetan
ibili eta sei disko kaleratu ondoren, Danielek bakarka prestatutako
lehen ikuskizunean antzerkirako duen gaitasuna jorratu nahi du.
Kantuak eta ozen esandako pentsamenduak tartekatuz, benetazkoa zer
den edo zer antzekia jartzen du zalantzan, eskatologiaz, heriotzaz
edo sexuaz kantatu eta mintzatzen baita.
Bibliatik magiara
Kanpingags konpainia sortuberriak ekoiztutako Biblia osoa, gutxi
gora behera estreineko lana taularatuko da 22an, non ikuskizunean
agertzen diren hiru antzezleek parodia, klown eta fartsaren bidez
Itun Zaharra zein Berria lantzen dituzten. Hiru apaiz xelebrek Bibliaren
nondik norakoak argitzeko asmoa azaltzen dute, bertan agertzen diren
ikasgaiak ez direlako ondo ulertuak izan, esaterako Jesusen nerabetasuna,
Gizarteren haskuntza eta biderketa edo Cain eta Abelen arteko benetazko
harremana. Ikuskizun honekin, 1997an Tanttakak ekoiztu zuen Shakespeare
osoa, gutxi gora behera ikuskizunaren bidea jorratzeko asmoa agertzen
dute Asier Hormaza, Patxi Barko eta Joseba Apaolaza aktoreek.
Mag Lari magoak hartuko die txanda Kanpingagsekoei Bilborockeko
eszenarioan 23an ¡Increíble! ikuskizuna taularatuz.
Haur, gazte zein ikuslego helduarentzat prestatutako lanean prestidigitazio
jokuak egiten ditu magoak, bapatean bere burua agertu eta desagertuz,
neskato bat airean zintzilikatuz edo hutsetik 15 animalia ateraz.
Triki-mailu guztiak osagarri hobe ezinekin nahasten dira, ma-goak
komikotasunez eta ausardiaz jokatzeaz gain, eszenografia erakargarria
erabiltzan baitu.
Hitzetik ekintzara
Leo Bassi komikoa izango da iragarritako azken bi saioetan, 24an
eta 25ean alegia, sortutako 12 de septiembre azken lana taularatzeko.
Telebistan ibili ondoren berriro antzokietara itzultzea erabaki
du aktoreak eta saio bakoitza hasi aurretik hautseztatutako trajearekin
ongi etorria ematen die ikusleei, ondoratutako World Trade Center
dorreetatik bizirik irten den pertsonaia gorpuzten baitu. 12 de
septiembre ikuskizunarekin bere proposamen ausartena eta politikoki
konprometituena aurkezteaz gain, Bassik eduki filosofikoa duen lana
sortu du. Orain artekoetan ekintza hitzaren aurretik erakutsi badu,
ekoizpen honekin egoera horri buelta eman eta hitza ekintzaren aurretik
jarri du.
Historia de amor sin happy end
Pez en Raya estará en Bilborock el día 19 con su espectáculo
Pésame mucho, un trabajo que cuenta una historia de amor
nunca consumada por culpa del mismísimo Falafel, el príncipe
de las tinieblas. Los actores Cristina Medina y Joan Estrader recurren
a la técnica del clown, aderezada con pinceladas de lo absurdo,
para materializar este espectáculo de humor.
|
