|
|
 ntzerkia
|
tetro
|
Gira
biraka Bilbotik zehar
 Bilboko
Aste Nagusian zehar ez dira faltako ume, gazte zein helduentzako
kale ikuskizunak Arriagako plazan eta Ripako kaian sakabanatuta.
Hain zuzen ere azken esparru honetan, batik bat, etxeko txikienentzako
muntaiak kontzentratuko dira arratsalde partean.
Oraingoan Hortzmuga talde bizkaitarrak Badun mundurantz ametsak
egi bilakatzen diren tokirantz garamatza. Totok bere burua libre
ikustea nahi duen bitartean, Dotak dotore eta ederra izatea desiatzen
du. Bidean, postari misteriotsu, astronauta adoretsu, barraskilo
jauna eta antzeko pertsonaiekin topo egingo dute.
Elementu fusioa
Dantza, umorea eta magiaren fantasiaren arteko fusio berezia burutzen
dute Txamuskinakoek Behin batean bere azken lanean. Gorringo S.L.
deitura berria hartu duen Hainkagorri talde ohiak aldiz, Trufaldinoren
trufak, bere azken muntaia eskeiniko du umeen partaidetza zuzenarekin
jokatuz.
Bam konpainiakoek El barril azul perkusiozko muntai ikusgarria dakarte.
Hiru gizon, urdin koloreko tanborrak esku artean hartuta kaleaz
jabetuko dira animali orroa eta mugimendu arraroak eginez. Honekin
batera, Zenbat gara taldekoek Morgan pirata gaiztoa ren istorioa
eskeiniko dute.
Kalez kaleko ikuskizunak Bilboko alde zaharrean, Bidebarrieta, Víctor
eta Correo karriketatik ibili ondoren Arriaga plazan izango dute
amaiera. Diadres taldekoak, 1914ko Luftawafeko Wuelen hirugarren
taldeko 333 Eskuadroiak denboran iraganetik etorkizunera bidaiatzean
ingurune guztiak izugarrizko aldaketa jasan duela konturatuko dira,
ez dakite non dauden, zer egin ezta nora jo. Iraganeko beste pertsonai
ospetsu bat, Elvis Presley alegia, kaleetatik zehar ikusteko aukera
izango dugu bizitzari buruzko gogoeta eginez Trapu Zaharrekoen eskutik.
Bambalúa konpainiakoek ere López y familia antzezlanarekin
alaituko dituzte kale izkinak, Prontok Primigeniorekin egingo duen
antzera. Gaueko protagonista bilakatuko diren antzezlanen artean
berriz, Naphtaline konpainia frantsesaren Blanca dama, memorias
de una bruja eta ekainean Leioako Umore Azokan Gaitzerdikoek estreinatutako
Bakun ditugu.
Programen baitan beste ekitaldi garrantzitsuenetako bat Mag Lari
mago katalanak eskeiniko duena izango da. ¡Increible!, muntaiaren
deituraren antzera, txundituta utziko gaituen truko anitz burutuko
ditu umore dosi ikaragarriarekin.
Klownlariak
Klown estiloa lantzen duten ikuskizunen presentzia nabarmena izango
da aurtengoan ere. Oihulari Clownek, hilabete gutxitan, bigarrenez
Bilbon aurkeztuko du Otiacicoh lana. Virginia Imazen zuzendaritzapean,
ustekabean Salvadorretik, 1500. urtetik, gaur egunera gure ohitura,
janzkera eta erlazioen berri izateko etorri diren bost indiarren
istorio xelebrea dakar. Bestalde, Arratoitxo, Maripertxenta eta
Katu botaduna Kollins Klownekoek aurkeztuko duten lanaren izenburua
dugu. Escarlata circusen Los turistas bikote bitxiak eta Dúo
en la lonakoen Circo díscolo ikuskizun paregabeak itxiko
dute azkenik Bilboko jaietako kale antzerki festibala.
Nazioarteko kalejira
Bost kontinenteetatik etorritako animazio eta kale ikuskizun anitzek
osatzen dute, El vuelo de la ballena bezela izenpetu duten kalejira.
Abuztuaren 18an Bilboko kaleetatik gira biran karroza, elementu
hegalari eta mugikorrak, dragoi txinatar, Far Westeko diligentzia,
Mairu eta Kristauak eta antzerki konpainia andana ikusiko ditugu,
besteak beste.
BEGIRATU
AGENDA
|
