|
|
 ntzerkia
|
tetro
|
Zeledonen
lehiotik begira
 Abuztuaren
4a eta 9a bitartean Gasteizko Andra Mari Zuriaren jaiak ospatzeko
asmoz, antzerkiak dakarren alaitasunez jantziko dira Arabako hiriburuko
kaleak. Zizka-miska gisa, Els Comediants taldeak El ritual de la
cuenta atrás antzeztuko du egunero hilaren hasieratik eta
jaiak agurtu bitartean. Kataluniako taldeak ekitaldi handien bezperan
egin ohi duen ikuskizunak Mikel Deuna elizaren aitzinaldea eszenografi
elementu erraldoiak erabiliz itxuraz aldatuko du. Horrela, izugarri
handia den egutegiaren aurrean gizakiez osatutako kariloiak jaiegunak
hasteko falta den denbora kontatzen joango da.
Ogibideak jota
Behin Zeledon jaitsita, Andra Mari Zuriaren enparantzan bertan kale
antzerkia ikusteko parada izango da egunero eguerdiko hamabi eta
erdietan. Trapu zaharra Paquetito toreatzailearen bila hurbilduko
da, zeinek urteetan hazitako zezenaren heriotza ekiditzeko garbigailu
batekin herriz herri ibiliko den bere lagunaren indultuaren aldeko
atxekimenduak lortu nahian. Gusarapok zeluloidearen mundua kalera
atera eta Historias del cine deritzon ikuskizunean Groucho Marx
edo Humprey Bogart bezalako pertsonaiak film berean batuko ditu.
Mamarrok, ertaroan oinarrituz, aintzina kalez kale ibili ohi ziren
artistenak egingo dute, juglare, komiko, kontu kontari eta titiriteroen
lana ezagutaraziz. Maimurrek errealitatearen mugetan dabiltzan bost
pertsonaia, zintzoak, izatez sutsuak, emozioetan arriskatzen diren
horietakoak, kalean gora eta behera ibiltzeak suposatzen duen zoramenean
abentura dibertigarri eta askatzaile batean Paris-Babia bidean jartzen
ditu. Bestalde, Espainia enparantzan, Arabako Pikor taldearen K.O.
ikusgai izango da, zeinean boxeoaren inguruan komeria eginez gaur
egungo gai mamitsuak jorratzen dituzten, hala nola, generoen berdintasuna.
‘Haurrentzako Dosteta’ titulupean aurkeztutako egitarauak
Gargantua eta abentura lekuarekin batera, antzerkia, txotxongiloak
eta pailazoak eskeiniko ditu. Prado Parkean haur antzerkia burutuko
da, egunero arratsaldeko seietatik aurrera. Birlibirloquek ahozko
ohituran oinarritutako El dragón y Tragaldabas aurkeztuko
du. Hortzmugak Galaxi, publikoaren partaidetza eskatzen duen eta
elkartasuna mintzagai duen lana antzeztuko du. La Fábrica
de los Sueños taldeak La estela de los duendes antzezlana
hurbilduko du, haurrak zein helduak gune ekologikoak zain ditzaten
oihua. Sebastopoleko Titiriteroek euren musika instrumentoekin eta
pailazo erraldoiekin mundua dantzan jarriko dute Pailazoen kalejiran,
eta ondoren, teknika erberdinak irakasteko asmoz, Zirko tailerra
burutuko dute. Segoviako Teatro Mutis taldea Crispín en el
Reino de Pasimisí lanarekin hurbilduko da. Ipuin honekin
barreak, tristeziak eta historioaren etorkizuna baldintzatuko duten
algarak sortarazi nahi dituzte.
Txotxongilo eta pailazoak
Txotxongiloen txokoan, Peñaflorida parkean Colectivo humo
konpainiak El libro mágico del Congo aurkeztuko du non Suetonio
eta Basiliak Afrikan bizitako abenturak kontatzen dituzten. Eurekin
batera, Titiriteros de Binéfar, La rata Ritaren Te titiricuento,
Behi Bi’s taldearen Zuk zeuk eta Taupada konpainiaren Mari
Sorgin antzezlanak izango dira, guztiak arratsaldeko ordu bat eta
erdietan.
Bestalde, egun oro Vicente Goikoetxea kalean eguerdiko hamabietan,
pailazoek alaitasuna ekarriko dute. Hantxe izango dira Detrakaren
Trikimailu express, Trampolínen El circo de Polilla y Alcanfor,
Azkona taldea Kiki, Koko, Moko eta Flaxekin, Fantasías Mágicas
izenburu berdina duen lanarekin eta Adardunak taldearen Onetarik
onena lana.
ABUZTUAK
1-9 AGOSTO
BEGIRATU AGENDA
|
