ntzerkia

tetro

Zoriona nahi duen maistra larderiatsua

Estatu frantziarreko Association Professionnelle et Artistique du Théâtre elkarteak eratutako Molière sarien irabazleetariko bat Biarritzeko Gare du Midi antzokian izango da abuztuan. Madame Marguerite bakarrizketan egindako lanagatik emakume aktore onenari eskuratutako sariaz gain, ohorezkoa ere eman zioten Lapurdira gerturatuko den Annie Girardot antzerkilariari.
2002-2003 denboraldia hasi aurretik Biarritzen erakutsiko du Annie Girardotek Molière saria eskuratzeko baliogarria izan zitzaion Madame Marguerite antzezlana. Roberto Athayde brasildarraren obran, ikasgela bilakatzen da antzokia eta, ezinbestekoa den arbela beltza eszenarioan agertzen da. Ikasleak jartzen diren eserlekuetan ikusleak kokatzen dira, zeinek irakasle onena gorpuzten duen Marguerite izango duten maistra lanetan.
Ikasgaia emateko asmoa agertzen duen irakasle larderiatsuak burutapen andana nahaspilatuta azalduko ditu eta besteak beste, bizitzaren nondik norakoak. Ikasleek, ikusleek alegia, beraren barre algaren ondorioak jasango dituzte maistra sutan jarriko baita. Emozioa metaka azaltzen da agerraldian, Madame Margueritek zoriona besterik ez baitu bilatzen.

Umorea eta leuntasuna

Horren berezia den irakaslearen gelara sartzea benetan zoriontsua egiten zaie ikusleei, naturaltasun eta esku zabal azaltzen den Annie Girardot distiratsua ikusten baitute oholtza gainean. Ikusle-ikasleak eszenarioko protagonistaren alaitasuna eta poztasuna barneratzen dute, ikuskizuna baino gehiago maitasun deklarazioa baita antzezlanean eskaintzen zaiena.
Umorea eta leuntasuna osagarri nagusiak dituelarik bizitzaren inguruko ikasgai bikaina eskaintzen du, Girardot esanekotasunaz, iraultzaz, erlijioaz, hezkuntzaz edo sexualitateaz mintzatzen baita.
Girardotek 1974 urtean antzeztu zuen lehen aldiz Roberto Athayderen bakarrizketa tragikomikoa, kasu hartan Jorge Lavelli argentinarra zuzendaria zelarik. Zenbait urteren etenaldiaren ondoren, 1990ean beste bi agerraldi eskaini zituen. 1994an, Frantziako Enbaxadaren kexak jasoarren, Errusian antzeztu zuen testoa eta garai hartako Gorbatxov presidenteak zera esan zion “gaur egun bizi dugu egoera dela eta horrelako lanen beharra daukagu”.

ABUZTUAK 9 AGOSTO (21.00)
GARE DU MIDI - BIARRITZ

Teatro | Música | Danza | Audiovisuales | Zona Abierta | Agenda
Conócenos | Suscríbete | Contacta | Buscador | Números Anteriores