|
|
 usika |
Aspaldiko
doinuak gogoratzeko
 Donostiako
63. Musika Hamabostaldian izango den Antzinako Musika zikloa Santa
Teresa Komentuan burutuko da abuztuaren 8tik aurrera. Lehen eguneko
saioan La Colombina taldeak Visperas para la Virgen en las Españas
del siglo XVI egitaraua jorratuko du. Taldea 1990ean sortu zuten
Josep Cabré eta beste hiru kantarik eta izena Sevillako Colombina
Liburutegian gordetzen den XV. mendeko kantutegitik hartu zuten.
Taldeak Errenazimendu zein Barrokoko lehen garaietako doinu eliztiarrak
eta profanoak jorratzen ditu, batez ere ‘a cappella’koak.
La Colombina izango da ziklo honetako bigarren saioko protagonista
ere, hurrengo egunean emango duen ekitaldian Reyna Soberana. La
tadición mariana de las Españas del siglo XVI egitaraua
jorratuko duelarik.
Ekimen horren barne izango den hirugarren saioko protagonista, 10ean
alegia, Ensemble Al-Kindi taldea izango da eta emango duen kontzertuan
Las Cruzadas vistas desde Oriente egitaraua landuko du. Taldeak
doinu arabiar poetikoak lantzen ditu; lan honetan Ousâma Ibn
Mounqidh printze siriarra omentzen du.
Mudéjar taldeak A las puertas de Granada. Música árabe-andalusí
egitaraua landuko du 13an emango duen kontzertuan eta 16an Carles
Magraner musikariak zuzentzen duen Capilla de Ministrers taldeak
Música medieval religiosa en la antigua Hesperia egitaraua
eskainiko du.
Lautea jotzen duen Hopkinson Smithek zikloari amaiera emango dio
17an Música italiana y española del siglo XVII egitaraua
entzutera emanez.
|
