|
|
 usika |
Hilabete
irauten duen Hamabostaldia
Donostiako
Musika Hamabostaldiak bere 63. ekitaldia burutuko du abuztuaren
8tik irailaren 8 bitartean eta prestatutako egitarauan lehen mailako
bakarlari, musika talde eta orkestrez gain, ohikoak diren organo,
antzinako musika, interprete gazteak ganbara musika edo musika garaikideari
eskainitako zikloak ere iragartzen dira. Egitarauan María
Bayo soprano nafarra, Txekiar Orkestra Filarmonikoa, Lausanneko
Ganbara Orkestra edo Bilboko eta Euskadiko Orkestra Sinfonikoak
arituko dira, azken biak Andra Mari Korala eta Donostiako Orfeoiarekin
arituko direlarik, hurrenez hurren. Aurten luxuzko bi dantza saio
tartekatuko dira, Milango Teatro alla Scalako baleta eta Antonio
Márquez konpainiaren saioak izango baitira.
 Abuztuaren
8an abiatuko den Musika Hamabostaldiaren 63. ekitaldiak hirurogei
kontzertutik gora eskainiko ditu, tarteko opera saioak, ganbara
talde eta orkestra sinfonikoen kontzertuak edo konposizio berrien
hainbat erabateko estreinaldi iragartzen direlarik.
Iragarritako saioak abuztuaren 5etik 9ra bitartean Daniel Roth irakasleak
burutuko duen Organo Erromantikoaren XIX. Ikastaldiarekin hasiko
dira eta horren inguruan izango diren kontzertuekin. Egitasmoak
irauten duen bitartean bost kontzertu izango dira Donostiako zenbait
elizatan eta lehenengoan, 5ean Koruko Andra mari basilikan izango
dena hain zuzen, José Manuel Azkuek Tomás Aragüés
konpositoreak sortutako Virgo dei Genitrix lana estreinatuko du.
Ondorengo agerraldietan Daniel Roth, Michelle Lecerq eta Cyril Schmiedlin
izango dira; 9ko kontzertuko protagonistak ikastaroan izandako ikasleak
izango direlarik.
Dixie eta dantza hasieran
Inaugurazio egunerako prestatu den egitarauan antzekia eta joera
ezberdinetako musika tartekatuko dira hiriko hainbat gunetan. Abuztuaren
8ko ekitaldiak goizean abiatuko dira Gipuzkoako Hospitalean Ikertze
& Mediklown taldeak eskainiko duen ekitaldiarekin; eguerdian
Titiriteros de Binéfar taldea Udaletxeko terrazan izango
da.
Arratsaldeko bostetatik aurrera hiriko nagusien egoitza desberdinetan
Beheko Plaza eta Maialen abesbatzen ekitaldiez gain Urumeako Akordeoi
Seikotea, Solteko Dantza ekitaldia eta Sasibill Elkarte Lirikoaren
saioak izango dira. Itsaso Elkarte Lirikoa, MacJeara’s Band
dixi taldea, Easo Abesbatza, Gari, Montxo eta Joselontxo eta Liriako
Unió Musical Banda Sinfonikoa Donostiako gune eta plazetan
eskainiko dituzte euren ekitaldiak.
Kursaaleko ekitaldiak Félix Ibarrondok sortutako Zuk zer
dezu? lanaren estreinaldiarekin hasiko dira. Junajo Mena zuzendari
delarik Bilbao Orkestra Sinfonikoa, Andra Mari Korala, Kyoko Okada
sopranoa, Lionel Peintre baritonoa, Euken Ostolaza tenorea, Felipe
Barandiaran errezitatzailea eta Easo Abesbatzako Eskolania saioko
protagonistak izango direlarik. Ekitaldian Carmelo Bernaola zendu
berriaren Abestiak lana tartekatuko da.
Hiru urteko egitasmoa
Musika Hamabostaldiak 2000 urtean hasitako egitasmoari emango dio
bukaera aurten, Wolfgang Amadeus Mozarten Piano eta Orkestrarako
Kontzertuen Integrala-ren hirugarren atala eskainiko baitu Lausanneko
Ganbara Orkestrak. Christian Zacharias pianojole eta zuzendari lanetan
delarik 11 (K.412), 25 (K.503) eta 23 (K.488) zenbakidun kontzertuak
eskainiko dira 19an. Hurrengo egunean 12 (K.414), 26 (K.537 ‘Koroazioarena’)
eta 24 (K.491) zenbakidun kontzertuak eskainiko dituzte protagonista
berberek eta 21eko ekitaldian 13 (K.415), 20 (K 466) eta 27 (K.595)
zenbakidunen kontzertuekin egitasmoa burutuko da.
Suitzako taldeari Euskadiko Orkestra Sinfonikoak hartuko dio txanda
22ko ekitaldian, Juan José Ocón zuzendari delarik.
Donostiako Orfeoia eta Miguel Olano tenorrarekin batera burutuko
den saioan Klasiko Herrikoiak egitaraua jorratuko da, Beethoven,
Mozart, Verdi, Guridi edo Solozabal konpositoreen lan ezagunak eskainiko
baitira.
Euskadiko Orkestra Sinfonikoak bigarren saio bat eskainiko du 29an,
oraingoan Christian Mandeal zuzendaria izanik. Ildiko Komlosi mezzosopranoa
eta Laszlo Polgar bajua bakarlariekin batera Bela Bartóken
Barbazulen Gaztelua operaren kontzertu bertsioa eskainiko da.
Ingalaterra eta Txekiatik
Donostiako Orfeoiak beste bi ekitaldi eskainiko ditu 26 eta 27an,
kasu horretan Marek Janowskiren aginduetara joko duen Berlingo Irratiko
Orkestra Sinfonikoarekin. Egitaraua Mozarten ‘Jupiter’
Sinfonia 41 zenbakiduna eta Bruckneren Meza Fa Minorrean lanekin
osatuko da, Michaela Kaune sopranoa, Rose Marie Lang kontraltoa,
Christian Elsner tenorea eta Carsten Stabell bajua bakarlari direlarik.
John Eliot Gardiner maisuaren aginduetara arituko diren English
Broque Soloists eta Monteverdi Choir izango dira Kursaalen 28ko
ekitaldi nagusiko protagonistak, saioan Haendelen L’Allegro,
il Penseroso ed il Moderato eskainiko dutelarik.
Abuztuko azken eguneko ekitaldian Vladimir Ashkenazy maisuak zuzenduko
duen Txekiar Orkestra Filarmonikaren txanda izango da, egitaraua
Smetana konpositorearen Nire Aberria lanarekin osatuko da.
63. Musika Hamabostaldiaren barne izango diren zikloak egitarau
erakargarriak eskainiko dituzte eta horietako bat XX. Mendeko Musikari
eskainitakoa izango da. Abuztuaren 31n ziklo horri bukaera emango
dion kontzertuan Anaki bikotea osatzen duten Iñaki Alberdi
eskusoinujolea eta Ananda Sukarian pianojolea izango dira eta saioan
Gabriel Erkorekaren Soinua, Iain Mathesonen Noise enough, Luca Moscaren
Cinque Danzes eta Zuriñe F. Gerenabarrena eta Antonio Lauzurikaren
lanak estreinatuko dituzte.
XX. Mendeko Musika zikloa 27an hasiko da Miramar jauregian Jesus
Villa Rojok zuzentzen duen LIM taldearen kontzertuarekin, non Francisco
Escuderoren lanak izango diren entzungai. Talde bera izango da hurrengo
egunean Chi-llida Leku Museoan Messianen eta Ibarrondoren lanekin.
Egitaraua Enrique Azurzak zuzentzen duen KEA Ahots Taldea eta Ricardo
Descalzo pianojolearekik osatuko dira.
Irailearen 2an hasiko da Ganbara Musika zikloa Josep Cabrék
zuzentzen duen Capilla Peñaflorida taldearen ekitaldiarekin,
non Mozart eta Haydnen lanak izango diren entzungai. 3ko ekitaldian
Marta Zabaleta pianojolea arituko da hurrengo egunean Frank Peter
Zimmermann bibolinjolea Enrico Pace pianojolearekin izango delarik.
Saioak 7an amaituko dira Maria José Moreno sopranoa Massimo
Spadanok zuzentzen duen Galiziako Ganbara Orkestra Sinfonikoarekin
batera emango duen kontzertuarekin.
Musikari gazteak
Abuztuaren 19tik 23ra bitartean, Kutxak Andia kalean duen aretoan,
Interprete Gazteen zikloa burutuko da eta bertan datozen urteetan
lehen mailako musikariak izango diren bakarlariek eszenariora igotzeko
eta lortutako gaitasuna erakusteko aukera izango dute. Saioak Maite
Itoiz sopranoak irekiko ditu eta Pedro José R. Larrañagarekin
batera Mozart, Granados, Guridi eta beste musikariren lanak eskainiko
ditu. Ekimenak Kepa de Diego biolontxelojolearekin jarrituko du
20an eta Patricia de la Vega pianojolearekin batera Beethoven, Debussy
edo Piazzolaren lanak eskainiko dituen. Maialen Rezola bibolinjolea
Marek Rusczynski pianojolearekin batera izango da 21ean, 22an Arkaitz
Mendoza pianojoleak Schuberten hainbat lan eskainiko ditu eta azken
ekitaldian Unai Urrecho tronboijoleak Miyang Kim-Kierman pianojolearekin
batera burutuko du ekitaldia.
Hainbat saio izango dira Pasai Donibanen Victor Hugoren jaiotzaren
mendeurrena ospatzeko Paula Fachado sopranoak Javier G. Sarmiento
pianojolearekin batera emango duen ekitaldiaz gain musika, dantza,
antzerki eta zine emanaldiak nabarmenduko dira abuztuaren 11 eta
12an.
Desde Viana a la Quincena
Tras recibir el 1 de julio el premio Príncipe de Viana de
la Cultura, la soprano navarra María Bayo protagonizará
el concierto del día 17 de agosto junto a la formación
Concerto Italiano, que dirige Rinaldo Alessandrini, en el que interpretará
arias y oberturas de óperas como Il Barbiere di Siviglia,
Tancredi o La scala di seta, de Rossini.
{lugaryfecha}
|
