|
|
 usika |
Maitasuna
eta diru gosea Provenzan
 Zarzuelaren
historian zehar gehien taularatuenetariko lana ikusgai izango da
Bilboko Aste Nagusiko lehen egunetan, Jacinto Guerrero konsposagileak
sortutako Los Gavilanes izango baita ikusgai. Mexikoko Arte Ederren
Antzokiko ekoizpen handian José Ramos Martínen liburuan
oinarritutako ekoizpen osoa taularatuko da, sarritan alde batera
utzi den lehen ataleko hirugarren ekitaldia ere antzeztuko baita.
Antzoki mexikarrak ekoiztutako ikuskizuneko bakarlari nagusiak Milagros
Martín sopranoa, Ismael Pons baritonoa eta Guillermo Orozko
tenorea dira, besteak beste. Beraiekin batera José Antonio
Irastorzak zuzendutako Orkestra Lirikoa, Ruperto Chapí Koroa
eta TVEko Miguel Fuentes balleta izango dira.
Los Gavilanes-en argudioak amodioa eta diru gosea ditu osagarri
nagusi. Agerraldia Juan bere jaiotetxera iritsitakoan hasten da.
Duela urte mordoa bertatik alde egin zuen, Ameriketara aberastasun
bila joateko. Adrianarekin maitemindua zegoen, baina neskaren amak
senar aberatsa nahi zuen alabarentzat. Ameriketan dagoela, Adriana
gizon aberats batekin ezkondu dela jakiten du Juanek. Denboraren
poderioz, Adriana eta Rosaura alaba pixkanaka gizarte mailan behera
egin eta miserian murgiltzen dira.
Proventzan kokatzen den ikuskizunarekiko leialtasun osoa erakutsi
du Leonardo Jiménez eszena zuzendariak.
ABUZTUAK
17, 18, 19 AGOSTO (21.30)
EUSKALDUNA JAUREGIA - BILBAO
|
