|
|
 udiobisualak |
Bidasoako
laburmetrai festa
 Bidasoa
Filme Laburren Nazioarteko Zinemaldiko iratzeek dagoeneko bere V.
urteurrena ospatuko dute. Aurtengoan ere izango da berrikuntzarik,
hain zuzen ere, jaialdia irailera mugatu beharrean abuztuko azken
astea aprobetxatzea erabaki dute ahalik eta publiko zabal eta ugariena
urreratzeko amoz.
Abuztuaren 22tik irailaren 13ra bitartean izena eman duten berrogeita
sei lanetatik, orotara, hogeita zortzi laburmetrai aukeratu dituzte
atal ofizialean parte hartzeko. Aurkeztu direnetatik gehientsuenak
Madrilgo ekoizleenak dira baina badira ere Bartzelona eta Euskal
Herriko puntu ezberdinetako errealizatzaileenak ere.
Besteak beste, Alberto Cañada zine historialari eta kritikoa,
Carlos Basas UPNAko Zine Tailerraren zuzendari eta zine doktorea,
Alejandro Arizkun UPNAko Ekonomiaren historian doktorea, Carlos
Mugiro errealizatzailea, Mikel Pruaño bideo ekoizlea, Jon
Abril Berako Kultur Koordinatzailea, Michel Cellier Cinéma
des Varièteseko arduradunetako bat eta azkenik, José
Antonio Cruzek, Jaialdiko zuzendariak, osotuko dute edizio honetako
epaimahaia.
Lehiaketatik at, zinemaldiak zenbait atal aurreikusi ditu. Alde
batetik Kirikú eta sogiña familiarteko ikuslegoarentzako
filma eskeiniko dute. Bestalde, Gusto por el cine sailaren barne
Christophe Gansen El pacto de los lobos luzemetraia ikusteko aukera
izango da.
Joan den urtean Bidasoa inguruko gazteek modu experimentalean Bideo
sormen mostra antolatu zuten eta aurtengoan jaialdiaren barne bertan
aurkeztutako lanak ikusgai egongo dira, honekin batera, Canneseko
Publizitateko Zine Jaialdian irabazle ateratako lanak igorriko dituzte.
|
