|
|
 usika |
Kubako
sonaren aitzindariak
 Aurtengo
Folk! Getxo ekimenari 8an agurra emango dion La Familia Valera Miranda
talde kubatarra, Lasarte-Oriako Manuel Lekuona aretora gerturatuko
ditu 21ean sorterriko son herrikoiaren doinuak. Kubako ekialdean
sortutako erritmoak urteetan bizirik mantentzea lortu dute bertako
musikariek eta horren testigantza Valera Miranda sendiak babesten
du.
Valeratarren ospea son kubatarra bera sortu zen une berean jaio
zen, XIX. mendean. Kanariar irletan du jatorria eta, Karibeko mestizajearen
bitartez, Afrikako eragin nabarmena duen sendiak, aspalditik musika
herrikoiaren sorkuntzan bildutako tradizio aberatsa mantentzea lortu
du. Egun, zuzendaria eta gitarrajole bikaina den Félix Mirandak
igortzen du tradizioa, eraginak eta musika zinezkotasuna, berak
eskuratu baitzuen arbasoen errepertorioa, teknika instrumentala
eta Cauto eskualdeko izpiritua. Sendiak egiten duen musika salsaren
aitzindaria da eta entzuteko erakargarria bada ere, dantza eta festarako
gonbite ezinhobea da.
XIX. mendean asmatutako Abur bezalako kantuak abesten ditu taldeak
oraindik, non Estatu espainiarra eta Kubaren arteko guda aipatzen
den. Son doinuak asmatu dituzten musikari ospetsuen doinuak ere
tartekatzen ditu sendiak, esaterako Francisco Repiladok (Compay
Segundo) konposatutakoak.
|
