|
|
 usika |
Latinoamerikako
doinuen zita
 Beste
zenbait arte joeren artean, musika izango da entzungai aurten irailaren
30ean hasi eta urriaren 6an Biarritzen burutuko den la Cita ekimenean.
Kale ikuskizunak, antzokietan burutuko diren gaubelak eta herriko
gune desberdinetan eskainiko diren kontzertuetan Latinoamerikako
zenbait herrialdetako doinuak izango dira entzungai. Lehen ekitaldian,
iraileko azken egunean, Venezuelako doinuak nagusituko dira Caracasetik
gerturatutako musikarien emanaldiak iragartzen baitira. Serenata
Guyanesa taldeak 25 urtetan zehar herri doinuetan egindako ikerketaren
emaitzak jendearenganatuko baditu, Cecilia Todd kantariak doinu
herrikoiak eta intimistak eskainiko ditu.
‘Hit’ sadomasokista
Zuzeneko saioak Astrid Hadad antzerki eta zine aktore eta abeslari
mexikarrarekin jarraituko dute urriko lehen egunean Atalaya aretoan,
non ikuslegoa harrituta utziko duen ikuskizun ausarta eta koloretsua
erakutsiko duen. Hadadek bolero, rantxera edo runba erritmoak nahasten
ditu kabaret giroan murgilduta, bere showa jantzi ugarirekin osatzen
duelaerik. Gorpuzten dituen pertsonaiak bufoi itxura hartzen dute
batzutan besteetan aldiz emakume mexikarren estereotipoetan oinarritzen
dira. Bere lehen diskoari, 1995an argitaratutakoa, Ay! izenburua
jarri zion, kantariaren esanetan “historiako lehen ‘hit’
sadomasokista” baita. Atalaya aretoan eskainiko duen ekitaldia
Pierre Favre eta Aurélie Sámichonek egindako Astrid
Hadad, La môme tequila dokumentalaren emanaldiarekin osatuko
da.
Mexikotik gerturatutako beste talde bat izango da herriko lorategian
kokatuko den karpapean. Bere egoitza Estatu frantziarrean duen La
Calaca taldeak Kolonaurreko musika tresnekin sortzen dituen doinu
mexikarren sorta eskainiko du.
Kubatik gerturatutako Iyaemi taldeak eskuratuko du urriaren 2ko
protagonismoa. Hizkuntza yoruban ‘gure ama’ esan nahi
du iyaemi hitzak eta jatorriari heltzen dio bederatzi musikariz,
abeslariz eta dantzariz osatutako taldeak, bere errepertorioan rumba
eta chachachá erritmoak santerian oinarritutako doinu tradizionalekin
uztartzen direlarik.
Kulturen mestizajea
 Peruko
kostaldetik gerturatutako hamabi dantzari, musikari eta abeslari
biltzen dituen Teatro del Milenio taldea izango da herriko loretegiko
karpan urriaren 3an. Mestizaje historikoa erakusten duen taldeak
perkusio afrikarra, flamenkoa eta dantza garaikidea lotzen ditu
eskaintzen dituen agerraldietan.
Minino Garay y Los Tambores del Sur igoko dira eszenariora hurrengo
egunean. Garay argentinarrak Dee Dee Bridgewater perkusiojolearen
alboan izan ondoren eskuratu zuen ospea eta bakarkako ibilbidea
hasi zuenetik hegoaldeko erritmo beroak lantzen ditu. Los Tambores
del Sur taldearekin batera Andeetako perkusioa, hari eta haize musika
tresnak erabili eta afro-karibear erritmo alaiak jorratzen ditu.
Jatorri ukraniarra duen Chango Spasiuk eskusoinujole argentinarrak
emango dio amaiera iragarritako ekitaldiei urriaren 4an. Spasiukek
Chamamé errepetorio herrikoa lantzeaz gain, “Argentinan
swing gehien duen musika” bere esanetan, etorkinen aztarna
eta polka bizirik mantentzen ahalgintzen da.
{lugaryfecha}
|
