ntzerkia

tetro

Herria hankaz gora jarriz

Ikustezina den iratxo baten ispiritutik abiatu da Bederen bat antzerki konpainia zarauztarra umeei zuzendutako bere lehendabiziko antzezlanean.
Titibiliti-ki talde osoaren ekimenetik sortutako abentura honek, lau musikari-galtzagorrik orain dela 200 urte saio bat eman zuten herrira bueltatu direla kontatzen du. Aurreneko aldi horretan Titibiliti, iratxo ikustezina ezagutu zuten eta berriz elkartu dira hor nonbait. Iratxoak lau musikariak, pertsonai bitxi honengan ohikoa den era misteriotsuan, bere bihurrikerien berri ematera bultzatuko ditu eta galtzagorri hauek istorio guztiak jolas baten antzera kontatuko dituzte pertsonai ezberdinak taularatuz.

Zentzu poetikoa

Titibilitik soinua sortarazten duten tresnetan sartzeko dohai berezia dauka urteetan txirula baten barrenean bizi izanaren ondorioz. Honela bere doinua jotzean herritar guztiak saltoka eta dantzan jarriko ditu ezinbestean baina bere presentzia txirulatik xaboi-burbuilak ateratzean soilik antzeman ahal izango da.
Muntaiaren aurreneko zatia poetikotasun nabarmenekoa bada ere, gerora, gutxinaka gutxina, umorea eta clown puntua nagusituz doaz. Inazio Tolosa, antzezlanaren zuzendariak, jolas hitzean zentratzen du ikuskizunaren indar nagusia. “Azken finean ikuskizun honen bidez helerazi nahi dugun mezua zera da: penak alde batera utzi eta bizi dugun momentua disfrutatzea benetan merezi duela” dio Tolosak.
Lau urtez umeei klaseak ematen ibili eta bizi izandako esperientzia guztia baliagarria izan da azkenik haurrei espreski zuzendutako lan bati ekiteko erabakia hartzeko. Bestalde, bertan parte hartzen duten aktore gehienak T.A.E., Donostiako Arte Eszenikoen Tailerrean aritutakoak dira, besteak beste, Goiz Eder Iturain, Begoña Blanco edo Egoitz Lasa. Beraien artean burutu dituzte zenbait muntai, baita beste konpainia batzurekin lanean ibili ere. Ainhoa Alberdiren kasuan, Bederen batekoekin Bakartxo bakarrizketa estreinatu zuen apirilean eta oraindik antzezpenekin dihardu.

Kolore biziz

Kolorez egindako buruhauste gisa planteiatu dute eszenografia. Piezak modu batean edo bestean mugituz narrazioak berak eskatzen dituen espazio anitzak ahalbidetuz. Lautik zortzi urte bitarterako umeentzako antzezlana izanik, elementu koloretsu eta musikalengan atentzio berezia jarri dute, nolabait jolasaren ideia trasmitituz.

AZAROAK 17 NOVIEMBRE (16.30)
HERRIKO ANTZOKIA - ELGOIBAR
ABENDUAK 1 DICIEMBRE
SOREASU ANTZOKIA - AZPEIITIA

Teatro | Música | Danza | Audiovisuales | Zona Abierta | Agenda
Conócenos | Suscríbete | Contacta | Buscador | Números Anteriores