ntzerkia

tetro

Klasikoetara hurreratuz

Bi urteko ibilbidearen ondorioz dagoeneko Dar Dar produkziokoek haurrentzako bere hirugarren lana estreinatzeko abian daude.
Bigarrenez, klasiko bat hartu dute oinarri, hain zuzen, Carlo Collodi autore italiarraren Pinotxo. Istorio honen aukeraketa Asier Zinkunegi, oraingoan zuzendari lanetan arituko denaren gogoetaren ondorioa izan da. “Ekoizle bezala asko interesatzen zaizkit testu horiek, klasiko izatera iritsi badira badituzte osagai batzuk hori lortzeko, eta bestela ere autore klasikoak gogoko ditut. Bestalde hasieratik gure lanetan helburu pedagogikoan intentzio berezia jartzen saiatu gara eta Collodiren eleberriak hainbat ikaskizun ditu haurrentzako. Jakina da ikaskizun guztietatik bizpahirutan zentratu garela, batez ere Gepeto eta Pinotxoren aita-seme harremanean”, azpimarratzen du Zinkunegik.
Alizia bitxikerien lurraldean, bere lehendabiziko lana, egokitzeaz arduratu zen Daniel Garcia Orellanarekin kolaboratu dute berriz ere. Nahiz eta oinarrizko testuarekin fideltasun handia mantendu, askatasuna izan du moldaketa aurrera eramateko. Kontu klasikoaren itxura mantentzeko xedez baldintzetako bat testua idatzi zeneko garaia errespetatzea izan da. Nolabait pertsonai gehienen presentzia errespetatu dute, alabaina, Pepe kilkerra bezalako figuraren bat edo beste agertzen da.
Eszenografia asko zaindu dute, eszenatokian plastikoki indar handia duen lana izanik. Aktore, txotxongilo eta buruandiez gain nobedade gisa txinar itzalak erabili dituzte azken lan honetarako “Bi metro berrogehi bider metro bat hogeiko pantaila txuriaz baliatuz hainbat eszena ikus daitezke. Muntai honetan Fritelino di Napoli pertsonaiak Pinotxo bahitu egiten du eta itzalen uhartera eramaten du; nolabait pasarte hau erabili dugu aitzakitzat txinar itzalak sartzeko” azaltzen du Zinkunegik.
Obra bera klasiko bat den heinean J.S. Bachen zenbait pieza hartu dituzte soinu banda gisa istorioa kokatzeko egokia izateaz gain antzezlanari eskeini nahi dioten estiloarekin bat baitator. Zinkunegiren esanetan, erregistru honetako doinuek badu tempo eta pausa bat gaur eguneko musikak ez duena, nolabaiteko lasaitasuna trasmititzeko baliagarria dena.

AZAROAK 17 NOVIEMBRE (18.00)
SOREASU ANTZOKIA - AZPEITIA

Teatro | Música | Danza | Audiovisuales | Zona Abierta | Agenda
Conócenos | Suscríbete | Contacta | Buscador | Números Anteriores