|
|
 ntzerkia
|
tetro
|
Turkiako
estilo erakargarria
 Turkiako
txotxongilo tradizioa gerturatuko du 1986an sortutako Cengiz Özek
Txotxongilo Teatroa taldeak, konpainiaren asmoa panpinen eta gerizpeen
ekoizpenak sortzea delarik. Cengiz Özekek sotutako taldeak
bi lan erakutsiko ditu Tolosako jaialdian, El Monstruo de la basura
eta El árbol mágico deiturikoak alegia. Lehenengo
ikuskizunak Natura babestera bultzatu nahi ditu ikusleak eta bigarrenak
XVIII eta XIX mendeetako tradizioetan murgiltzen da.
El Monstruo de la basura lanak itsasora botatzen den zaborrarerekin
zer gertatzen den azaltzen du gerizpeak eta panpinak erabiliz. Konpainiak
proposatzen duen lanean, arrain zaborjaleak azaltzen dira, beraien
asmoa itsasoa garbi mantentzea baita. Horrenbeste txarrikeri jan
eta gero arrainetariko bat bihotz oneko monstruoa bilakatuko da
baina beira boteilak ez ditu gogoko eta Kargöz arrantzalea
halako bat botatzen ikusten duenean aurre egingo dio.
Cengiz Özek taldeak taularatuko duen bigarren lanean, El árbol
mágico alegia, Karagözaren lan klasikoetan agertzen
diren bitxikeriak azaltzen dira, bertan joera shamanistikoko ezaugarri
nagusien irakurketa epikoa erakusten baita. Karagözaren tresnek
ikuskizunean duten kokapenak, istorioaren tentsio dramatikoa goraipatzen
dutenez, lan honek aukera ezin hobea eskaintzen du benetako Karagöza
ezagutzeko.
Cengiz Özek konpainiak sortu dituen lanetan tradizioa eta berrikuntza
tartekatzen dira, alde batetik aspaldiko joera eta teknikak erabiltzen
baititu eta, bestetik, gai berritzaileak proposatzen dituelako.
Gerizpeak eta Karagözaz gain antzerki beltza ere egiten dute
eta azken estilo horrekin egindako Mi pequeña estrella lanarekin
arrakasta ikaragarria eskuratu zuten Istanbul hiriburuan eskainitako
agerraldietan.
|
