|
|
 udiobisualak |
Ikararen
fantasia
 Azaroaren
1etik 9ra Donostiako Fantasiazko eta Beldurrezko Zinemaren Asteko
13. edizioari ekingo diote. Ohiko sailez gain interes handiko bi
ziklo eskeiniko dira programazioaren barne, indibidualki, ziklo
ezberdinei zuzendutako hainbat liburu argitaratzearekin batera.
Lehenengoan, 1913 eta 1920 urte bitartean burututako beldur eta
fantasiazko filme aleman garrantzitsuenak proiektatuko dituzte.
Bertan ikusi ahal izango dira, besteak beste, Henrik Galeenen La
Mandrágora eta El estudiante de Praga. Zuzendari lanetan
hasi aurretik aktore eta gidoigile gisa ere aritu izan zen Galeen,
ziklo honetan eskeiniko diren Paul Wegener eta Carl Boesen Golem
eta Murnauren Nosferatu, el vampiro luzemetraietan ikusiko den bezala.
Expresionista
Saihestu ezinezko beste autoreetako bat Fritz Lang dugu. Expresionista
izenez ezagutzen den zinema mugimenduaren aintzindarietako bat izanik
bere filmografiako pelikula entzutetzuenetako hiru Metrópolis
etorkizuneko fantasia dramatikoa, Los Nibelungos mundu germaniarreko
elezahar nagusia eta Las tres luces emitituko dira.
Friedrich Wilhelm Murnauren Nosferatu, Branm Stokerren Dracula obran
oinarrituta dagoen lehenengo zinemarako bertsioaz gain, Hollywoodera
joan aurretik UFA Estudioentzat burututako Fausto ere emitituko
dute. Honekin batera, Robert Wienen Las manos de Orlac eta El gabinete
del Dr. Caligari, Arthur Robinsonen Sombras, Hans Kralyren La muñeca,
Otto Ripperten Homunculus eta Paul Leniren El hombre de las figuras
de cera ikusgai izango dira.
Latinoamerikako zinema “bis” eta “makurrari”
eskeinitako ziklo bereziari ere izango da non, Alejandro Jodorowski
idazle, gidoigile, dramaturgo eta komiki marrazkigile txiletarra
eta José Mojica Marins brasildarra omenduko diren. Jodorowskik
bere aktibitate kulturala 60. hamarkadan zabaldu zuen zinemara,
Méxikora alde egitean. Topo bere aurreneko filma, Donostiako
Fantasia eta Beldurrezko Astean ikusgai egongo dena, estreinatzearekin
bat inpaktu handia sortarazi zuen. Artista txiletarrak gidoia burutu,
musika konposatu, interpretatu eta bere filmak zuzentzen ditu. Kritikaren
oneritzia izateaz gain, ehundaka estudio eta doktoretza tesi burutu
dira honez gero bere lanei buruz. Ziklo honetan bere filmografia
osotzen duten Santa sangre, La montaña sagrada eta Fando
y Lis proiektatuko dira baita ere ikusgai izango dira.
Originaltasuna
Mojica Marinesen mundu guztian ezaguna den beldurrezko zinean espezializatuta
dagoen zuzendari garranzitsuenetako bat dugu, originalitatea bere
lanen ezaugarri garrantzitsuenetako bat izateaz gain bere filmeen
kalitateak ez du parekorik. Besteak beste, Donostian izango dira
 meia noite levarei sua alma, Esta noite encarnarei no teu
cadàver eta O despertar da Besta-Ritual dos sadicos.
Sail honetan baita ere Armando Bo argentinarraren Carne, Rogelio
A. González mexikarraren El esqueleto de la señora
Morales, Pablo Parés argentinarraren eta Hernán Sáezen
Plaga Zombie: zona mutante eta azkenik, Ivan Cardoso brasildarraren
O escorpio Escarlate ikusi ahal izango dira.
Jaialdiko imagina
Art&Maña donostiarrek hartu dute kartelaren diseinua
egiteko ardura hamairugarren edizio honetan. Xena gudariaren pertsonaiean
oinarrituz, imaginan emakume bat Santiago Seguraren zintzurtutako
burua eskuan daramala ikus daiteke. Ideia zeharo ezberdin bati jarraiki,
pasa den urteko kartelean dinosaurio batek Kursaaleko kuboetako
bat sugarrekin erasotzen zuela ageri baitzen.
|
