|
|
 usika |
Liluratzeko
moduko doinuak
 Portugaleko
fadoen edertasuna eta lasaitasuna gertutatuko du Euskal Herrira
Mafalda Arnauth Lisboako kantariak, Bilboko Udaleko Emakume Sailak
antolatutako Musika 2002 egitasmoaren barne. Mafaldak eskainiko
duen saio horretan José Elmiro Nunes gitarra portugaldarrarekin,
José Antonio Mendes fadoko biolarekin eta Rodrigo Serräo
kontrabajuarekin taldekide izango ditu.
Mafaldak 28 urte bete ditu eta 1999an Mafalda Arnauth deituriko
diskoa argitaratu zuenetik eta iaz bere bigarren lana kaleratu zuen
Esta voz que me atravessa izenburuarekin. Disko bi besterik ez baditu
argitaratu ere, egungo fadoaren berritzailerik handienetarikoa da,
adituen esanetan.
Bere ibilbidea aho batez onartu zuten adituek eta hori agerian gelditu
zen iazko azaroan Madrilen Amerikako Etxean emandako kontzertuan,
baita Brusela, Amsterdam, Paris, Grezia, London, Alemania, Luxemburgo,
Lisboa eta beste hainbat eszenatokitan eskaini dituen kontzertuetan.
Mafaldak kantagintzan burututako ibilbidea 1995ean izan zuen abiapuntua,
Joao Braga kantari handiak San Luis Antzokiko ikuskizun batean beste
fadista handi batzuekin batera parte hartzera gonbitatu zuenean.
Saio horren ostean berehala sartu zen fadoaren zirkuitoan eta hurrengo
urtean Lisboako fadoaren lekurik garrantzitsuenetarikoan izan zen,
Taverna do Embuchado deiturikoan alegia. 1997an poesiari buruzko
nazioarteko lehiaketa batean parte hartu zuen eta handik Londonera
joan zen argentinar artista batzuekin batera errezitaldi batzuk
ematera. Ondoren Frankfurten izan zen portugaldar kultur astean,
Helder Moutinho fadistarekin batera. 1998an Pariseko Alfa irratian
kontzertu bat grabatu zuen eta Lisboako Erakusketa Unibertsala zela
eta antolatutako fadoaren gunean ohiko parte-hartzailea izan zen.
AZAROAK 13 NOVIEMBRE (20.00)
ARRIAGA ANTZOKIA - BILBAO
|
