ntzerkia

tetro

Suahiliz mintzatzen den herrialdea

Euskal literaturaren historian ale gehien saldu duen lana egokitu eta taularatuko du Gorringo antzerki taldeak, Joxean Sagastizabal idazleak 90. hamarkadan sortutako Kutsidazu bidea, Ixabel estreinatuko baitu. Alberdania argitaletxeak kaleratutako liburuak 31 edizioa gainditu du, 60.000 aletik gora alegia.
Orain arte talde gipuzkoarra haurrei zuzendutako kale ikuskizunetan murgildu bada ere, aurrera pausu nabarmena emango du ikuskizun berriarekin “helduentzako eta areto barrurako egiten dugun gure lehen ekoizpena delako”, Anjel Alkain aktorearen esanetan. Aipaturiko asmoez gain, taldekideek argi izan zuten “komedia egin nahi genuela” eta gainera Sagastizabalen istorioa “hurbilekoa egiten zitzaigun, geografikoki zein hizkuntza mailan”, Anartz Zuazua zuzendariak dioenez, oinarriko lana Tolosaldean kokatzen baita.

Bi mundu

Eszenografiak, jantziak edo musikak duten garrantzia ukatu gabe, taldekideen esanetan “testoan eta bertan isladatzen den komizitatean dago lanaren garrantzia”.
Nagore Aranburuk egindako egokitzapenak lanaren mamia errespetatu du. Juan Martin euskaldun berria da Kutsidazu bidea, Ixabel laneko protagonista eta bere bitartez ulertzen da istorioa, kontaketa lehen pertsonan egiten baitu. Mutila Alkizako euskaltegian dago eta ‘Harrialde’ko Aranguren baserrira doa bere hizkera hobetzeko asmoz. Baina bertan entzuten duen euskera berak ikasitakoarekiko erabat ezberdina da. Ez du tutik ere ulertzen eta entzuten duena suahilia iruditzen zaio.
Alkainen esanetan “bi mundu isladatzen dira ikuskizunean, Tolosaldeko jendea eta inguru horretara euskera ikastera doan hiriko jendea. Eta egoera horretatik hainbat jende pasa denez, gure asmoa antzokietara zein herri txikietara heltzea da”.
Aranburuk, ekoizpena gauzatzeko, testoari zehatz-mehatz heldu badio, pertsonaia bat kendu eta eszena berri bat gehitu du. Sagastizabalek liburuan sartu ez zuen pasartea “berak kontatu zion Nagoreri eta ikuskizunean tartekatzeko guztiz aproposa iruditu zaigu”, Zuazuaren esanetan. Bere ustetan “esku artean dugun testoa karameloa dela badakigu eta, horregatik, errespeto osoz lantzen ari gara”.

Aurpegi berriak

Alkainek aitortu egiten du telebistan eskuratu duen ‘fama’ puntua aprobetxatzeko asmoa dutela, nahiz eta helburua ez den “antzokietan telebista egitea”. Arituko diren aktoreen artean profesionalak, orain arte haur antzerkigintzan eta profesionalak izatekotan dabiltzanak tartekatuko dira.

MARTXOAK 15, 21, 22, 23, 28, 29, 30 MARZO
BEGIRATU AGENDA

Teatro | Música | Danza | Audiovisuales | Zona Abierta | Opinión | Agenda
Conócenos | Suscríbete | Contacta | Buscador | Números Anteriores