ntzerkia

tetro

Itxuraldatutako pertsonai xelebreak

{Iruñeako Udaleko Kultur Sailak eta Nafarroako Antzerki Eskolak antolatutako XI. Umeentzako Antzerki testu lehiaketan irabazlea izan zen lana estreinatuko da apirilean Nafarroako Antzerki Eskolaren egoitzan. Eguberrietan gaztelaniazko atalean irabazlea izan zen lana estreinatu ondoren orain euskara saileko irabazleari behin-betiko aurkezpena egitea dagokio. Atal horretan Xabier Díaz Esarte idazleak sortutako Kontu kontari edo kontuz kontalariarekin izan zen garailea.

Ipuin nahasketa

Antolatzaileek emandako 1.500 euroko diru-sariaz gain, lan irabazlea ekoiztu eta taularatzeko enkargua jaso zuten Nafarroako Antzerki Eskolako kideek eta horretan izan dira azken hilabetean irakasle zein ikasle ohiez osotutako taldea.
Ekoizpen berriak hiru ardatz nagusi jorratzen ditu. Alde batetik, protagonista den idazlea bere bizitzako ipuinaren bila dabil eta bapatean argitaratzailearen bisita jasoko du, zein bere azken ipuina erosteko asmoarekin datorren. Baina eztabaida baten ondorioz ganbarako eskaileratik eroriko da idazlana.
Magiaren ondorioz sortuko da bigarren pasartea, ezagunak diren ipuin ezberdinetako pertsonaiak bizidun bilakatuko dira eta ipuin guztietako protagonistak nahastuko egingo dira. Horrela, pertsonaiak besteen ipuinetan tartekatzen dira, gehienak haurtzaroko inozentzia galdu dutelako. Horrela, kanperekin doan makarra izango da Txano Gorritxu, Errauskine aldiz bere ama izango delarik.

Txerritxo maltzurrak

Gertatutako arazoak konponketa xelebrea izango du azken atalean, idazleak gaiztoak bilakatu diren Hiru txerritxoen ipuin berria sortuko baitu. Bertan, ipunetan gaiztoan den otsoa Natura babesten ahaleginduko da, txarritxoak lotsagabeki lursailekin espekulatzen ahaleginduko diren bitartean.
Ion Barbarinekin batera antzezlana zuzentzen duen Patxi Larrearen esanetan “Xabier Díaz Esarteren obra txotxongiloekin egiteko pentsatuta zegoen, baina guk benetazko aktoreekin egitea erabaki genuen egokitzapena egitea nahiko erraza zelako”. Nahiz eta testua “argi eta garbi egon” Larrearen esanetan, sorkuntza lana sakona izan da “aktoreek gorpuzten dituzten pertsonaiei txotxongilo itxura ematea zaila izan baita”.
Lana burutzeko, ikasle ohiekin baliatu dira Nafarroako Antzerki Eskolako arduradunak, Larrearen esanetan “Nafarroan aktore euskaldunak aurkitzea ez baita erraza”. Eszenarioan azalduko diren zazpi aktoreek hamaika pertsonai gorpuztuko dituzte, gehienak ipuin ospetsuetako protagonista ezagunak.
Kontu kontari edo kontuz kontalariarekin Nafarroako Antzerki Eskolaren egoitzan estreinatuko bada ere, apirilaren 14tik 16ra bitartean eskola ezberdinetako haurrei zuzendutako beste sei emanaldi izango dira.

Xabier Díaz Esarte

Xabier Diéz Esarte (Ezkaroze-Iruñea) ha ganado el Concurso de Obras Infantiles del Ayuntamiento de Iruñea en dos ocasiones, en 2002 con Kontu kontari edo kontuz kontalariarekin y con anterioridad con Ez geratu jokoz kanpo. Ha publicado cuatro libros de teatro infantil, la novela Tiza Negra y acaba de editar el libro y CD Trágame tierra por encargo del Gobierno de Nafarroa.

APIRILAK 13 ABRIL (18.30)
NAFARRROAKO ANTZERKI ESKOLA - IRUÑEA

Teatro | Música | Danza | Audiovisuales | Zona Abierta | Opinión | Agenda
Conócenos | Suscríbete | Contacta | Buscador | Números Anteriores